Kiyovu Sports ishobora gusahurwa n'amakipe yo muri Tanzania

Kiyovu Sports ishobora gusahurwa n'amakipe yo muri Tanzania

 Dec 3, 2021 - 10:14

Emmanuel Okwi akomeje kwifuzwa n'amakipe akomeye yo muri Tanzania.

Emmanuel Okwi w'imyaka 28 ashobora gutandukana na Kiyovu Sport akerekeza muri Tanzania.

Amakipe arimo Simba Sport na Yanga African akomeje guhanganira uyu mukinnyi wagize ibihe byiza muri iki gihugu mu myaka yatambutse.

Ibihe byiza mu mupira w'amaguru Emmanuel Okwi yagize, ahanini yakinaga muri Tanzania mu makipe nka Yanga Africans na Simba SC.

Emmanuel Okkwi herutse gusinya muri Kiyovu Sports(Image:Inyarwanda)

Okwi yageze muri Tanzania mu 2013, akinira Yanga African umwaka umwe, ayivamo 2014 yerekeza muri Simba Sport ayivamo umwaka ukurikiyeho. Mu 2017 Emmanuel Okwi yagarutse muri Simba Sport Club ayikinira imikino 53 kugera 2019 ayitsindira ibitego 36.

Mu Kwakira ni bwo Emmanuel Okwi yasinyiye Kiyovu Sport amasezerano y'umwaka umwe ariko arimo ingingo y'uko haramutse hari ikipe imushatse yahita ayerekezamo.

Okwi umaze gukinira umukino umwe Kiyovu Sport abanje mu kibuga asanzwe ari Kapiteni w'ikipe y'igihugu ya Uganda nyuma yaho Denis Onyango asezereye muri iyi kipe.