Umubano wa Kendall Jenner na Bad Bunny bimaze kugaragara ko ari kimwe mu bintu birimo gukurikiranwa cyanel bashakanye muri Amerika. Kugaragara bari kumwe mu ruhame, cyane cyane mu mikino ya Los Angeles Lakers muri NBA, byagarutsweho cyane.
Kendall Jenner(uwa kabiri ibumoso) yagaragaje ko hari undi muntu wamushimisha kurusha Bad Bunny bivugwa ko bakundana
Ikigaragara, ni uko imiganirire yabo muri uyu mukino uheruka, yazamuye ibihuha hirya no hino ku isi.
Ariko, biragaragara ko intumbero ya Kendall irenze guteretana n’uyu muririmbyi wo muri Porto Rico. Ibi byavumbutse bivuye ku mbuga nkoranyambaga, aho yagaragarije urukundo inshuti ye magara bisa naho ari yo imushimisha cyane, nk'uko bigaragara mu mafoto.
Binyuze muri posts eshatu yashyize kuri Instagram, yifurije Travis Bennett isabukuru y'amavuko kandi byagaragaye ko ari umuntu yishimira cyane. Mu gihe impaka zerekeye umubano wabo zagiye zikwirakwira mu bihe byashize, impande zombi zasobanuye ko ari inshuti gusa kandi ko hari ikibahuje gikomeye.
Nyuma yo kubona iyi foto, benshi bibutse uburyo aherutse kugaragara muri sitade na Bad Bunny bigaragara ko atishimye
Byongeye kandi, Bennett na Kylie bagaragaye bari kumwe ku mukino wa Lakers, aho Kendall bigaragara ko yari yagize ibihe byiza ugereranije n’igihe yari yasohokanye na Bad Bunny, aho yasaga nkaho atishimye.
Vuba aha, Bennett yamenyekanye cyane muri Hollywood kubera kugaragara muri firime zikomeye zanatumbagije umwuga we.
