Nyuma yo gutsindwa igitego kimwe ku busa na Bayern Munich mu mukino wabereye kuri stade Old Trafford mu ijoro ryahise, ikipe ya Manchester United yahise isezererwa muri UEFA Champions League itanabonye amahirwe yo kwerekeza muri Europa League, kuko yabaye iya nyuma mu itsinda.
Mu gihe kuri uyu wa Gatatu ikipe ya Newcastle United iraza kuba yakiriye AC Milan, nayo itabashije gukomeza mu itsinda F iherereyemo birakomeza kuba bibi kuri shampiyona ya Premier League yari ifite ikizere cy'uko amakipe itanga muri Champions League agiye kwiyongera.
Muri UEFA Champions League y'umwaka utaha nibwo hazatangira impinduka zamaze kwemezwa muri iri rushanwa, aho haziyongeraho amakipe ane irushanwa rigakinwa n'amakipe 36.
Aya makipe ane aziyongera mu makipe azakina Champions League azava ahanini muri shampiyona zitwaye neza mu irushanwa ry'uyu mwaka, n'ubwo hazarebwa no mu myaka iheruka. Gusa miu gihe abongereza baba batakaje amakipe yabo abiri hakiri kare, biragoye ko bazagira ayo mahirwe.
Uko ikipe itsinze umukino mu matsinda, muri kimwe cya munani no gukomeza mu bindi byiciro igira amanota yinjiza(coefficient), ibi rero bigatuma shampiyona ifite amakipe menshi ndetse yitwara neza muri Champions League igira amahirwe yo kwiyongera kw'amakipe ayihagararira.
Kuvamo hakiri kare kwa Manchester United na Newcastle United biraza gukoma mu nkokora Premier Leagu ku manota yari kubona muri uyu mwaka, kandi ariyo azagenderwaho mu mwaka utaha hagenwa niba iyi shampiyona yahagararirwa n'amakipe atanu avuye kuri ane.
Newcastle isezerewe birarushaho kuba bibi kuri Premier League
