Ibigo by'imikino y'amahirwe(Betting) byahagaritswe ku mikino yo mu Rwanda

Ibigo by'imikino y'amahirwe(Betting) byahagaritswe ku mikino yo mu Rwanda

Fabrice NDAYISHIMIYE Fabrice NDAYISHIMIYE  Jul 14, 2022 - 14:45

Nyuma y'igihe muri shampiyona y'u Rwanda havugwamo ko hari imikino igurishwa, kompanyi zikora ibyo gutega mu Rwanda zahagaritswe by'agateganyo mu guloresha imikino yo mu Rwanda mu gutega.

Ibi bigaragara mu itangazo Minisiteri y'ubucuruzi n'inganda yashyize ahagaragara kuri uyu wa 14 Nyakanga 2022, rikaba ari itabgazo rigenewe ibigo bicuruza imikino y'amahirwe.

Muri iri tangazo, MINICOM yavuze ko ibikorwa byo guteega ku mikino ibera mu Rwanda bibaye bihagaritswe, mu gihe hagishakwa amakuru yimbitse ku igurisha ry'imikino rimaze iminsi rivugwa.

Imikino MINICOM na MINISPOR babujijeho icuruzwa na Kompanyi za Betting, ni iy'amarushanwa y'ibyiciro bizwi ndetse n'imikino y'abatoya (Youth Competitions).

Itangazo MINICOM yashyize hanze

Guhagarika Betting ku mikino yo mu Rwanda, bije nyuma y'igihe kitari gito gishize havugwa ko hari bamwe mu bakinnyi n'abandi bafite aho bahurira n'amakipe bagurisha imikino muri Kompanyi z'imikino y'amahirwe, bakitsindisha bagamije kwibonera amafaranga.

Uretse kugurisha imikino kandi, ni kenshi Shampiyona y'u Rwanda y'umwaka wa 2021-2022 yagiye ivugwamo uburiganya bwa hato na hato, hamwe havugwa kurenganywa n'abasifuzi ku makipe amwe n'amwe.