Ikipe ya Arsenal mu myaka ishize y'imikino yagiye igorwa no kwinjiza ibitego, ari nabyo byatumye batangira gutekereza uyu Munya-Suwede Viktor Gyökeres wagize uruhare rw'ibitego 67 mu mikino 52.
Nk’uko 'Standard Sport' yabitangaje icyumweru gishize, nyuma y’ibiganiro byamaze igihe amasezerano hagati y’amakipe yombi ari hafi gusinywa ku giciro cya miliyoni €63.5 (£54.86m), hakiyongeraho na miliyoni €10 (£8.64m) y’inyongera.
Aganira na 'BBC Sport', Gabriel Magalhaes yagize ati "Gukina uhanganye na Gyökeres byari ikigeragezo. Ni umukinnyi ukomeye kandi yagize umwaka mwiza cyane. Twese turabizi ko ari umukinnyi ukomeye, ariko ubu ni umukinnyi wa Sporting, si uwa Arsenal."
Ikipe ya Sporting CP yakinnye na Arsenal mu mpera z'umwaka ushize muri UEFA Champions League, Arsenal iyinyagira ibitego 5-1.
Arsenal yagaragaje inyota yo kongera imbaraga mu ikipe muri iri isoko ry’igura n’igurisha, igamije kwegukana igikombe gikomeye bwa mbere kuva yatwara FA Cup 2020, aho imaze gukoresha asaga miliyoni £123 kuri Martin Zubimendi, Christian Norgaard, Noni Madueke, na Kepa Arrizabalaga.
Gabriel Magalhaes yagize imvune ubwo uyu mwaka w'imikino waganaga ku musozo
Gahunda ya Viktor Gyökeres yo kuza muri Arsenal yajemo birantega nyinshi
