Muri Gicurasi 2022 nibwo umunyamerika Toddy Boehly afatanyije na Clearlake baguze ikipe ya Chelsea, kuva icyo gihe iyi kipe ikaba imaze gutanga arenga miliyari y'amapawundi ku bakinnyi.
Umwe mu bayobozi ba Clearlake witwa Jose Feliciano yemeje ko bari kugerageza kureba uko bagabanya amafaranga iyi kipe isohora buri mwaka, binyuze ahanini mu mishahara yayo.
Feliciano ati:"Ndatekereza ko icyo turi kugerageza gukora ni kugabanya imishahara by'umwihariko amafaranga dusohora kugera byibuze kuri miliyoni 80 z'amapawundi ku mwaka."
Ikipe ya Chelsea ni imwe mu makipe yashoye amafaranga menshi muri uyu mwaka ariko ikaba itaratanga umusaruro wari witezwe, Feliciano yijeje abafana bayo ko bidatinze iyi kipe izatangira gutanga umusaruro mwiza kuko ifite abakinnyi b'abanyempano.
Nyuma y'imikino itanu imaze gukinwa muri Premier League, ikipe ya Chelsea ifite amanota atanu kuri 15, ikaba iri mu makipe yatangiye nabi umwaka w'imikino 2023/2024.
Abafana ba Chelsea bijejwe umusaruro vuba
