Ni igihembo Cristiano Ronaldo yashyikirijwe kuri uyu wa Gatanu tariki ya 28 Mutarama 2022, aho uyu mugabo yahawe igihembo cya rutahizamu w’ibihe byose mu mupira w’amaguru, aho aherereye i Dubai.
Cristiano amaze gutsinda ibitego 801 mu rugendo rwe rwose rwo gukina umupira w’amaguru nk’uwabigize umwuga, aho yakiniye amakipe agiye atandukanye arimo Sporting Lisbon, Manchester United, Real Madrid, Juventus n’ikipe y’igihugu ya Portugal.
Uyu munya-Portugal ukinira Manchester United yashyikirijwe igihembo aho ari mu biruhuko i Dubari mu muhango wabereye muri Al Wasl Plaza.
Abakunzi ba Cristiano Ronaldo bari bitabiriye ibi birori bagize umwanya wo kwisanzura kuri Cristiano Ronaldo w’imyaka 36, aho bafashe amafoto n’amashusho bifashishije telefoni zabo.
Cristiano ari mu biruhuko i Dubai hamwe n’umuryango we ndetse ku wa Gatanu yizihije isabukuru y’amavuko y’umukunzi we, Georgina Rodriguez, igikorwa cyabereye ku nyubako ndende ku Isi, Burj Khalifa.
Cristiano Ronaldo yahawe igihembo cya rutahizamu w'ibihe byose(Net-photo)
Cristiano yishimanye n'abafana be(Net-photo)
Cristiano Ronaldo n'umukunzi we Georgina Rodriguez i Dubai(Net-photo)
