Muri iyi mpeshyi FC Barcelona irashaka gushora miliyoni 172 igura abakinnyi aho Robert Lewandowski ariwe wa mbere mu bifuzwa n'umutoza Xavi, ariko bashaka no gusinyisha Raphinha, Kounde na Bernardo Silva.
Nk'uko ikinyamakuru Mundo Deportivo cyandikira muri Esipanye kibivuga, FC Barcelona ishaka kongera ikagurisha 15% y'ibiva mu mafaranga yo kwerekanwa kuri tereviziyo(tv rights), aho izakuramo miliyoni 344 z'amapawundi.
Lewandowski ni nimero ya mberebmu bifuzwa na Barcelona(Image:Getty)
Ni nyuma y'uko kandi mu minsi ishize iyi kipe yatangaje ko yamaze kugurisha 10% y'ibizinjira biva muri TV rights mu myaka 25 iri imbere, aho kompanyi ya Sixth street yahaye Barcelona miliyoni 178 z'amapawundi.
Iyi kipe irateganya kurangiza ibyo kugurisha izi TV rights tariki 17 Nyakanga 2022, ukaba ari nawo munsi izatangiriraho urugendo ifite muri Leta zunze ubumwe za Amerika aho izakina imikino irimo n'uwa Real Madrid.
Mu gihe iyi mishinga ya FC Barcelona yaba iciyemo ndetse igasinyisha abo bakinnyi bane, ishobora no kugaruka kuri Cesar Azpilicueta na Marcos Alonso bakinira Chelsea nabo byagiye bivugwa ko ibashaka.
