Arsenal yiyemeje gutanga byose kuri rutahizamu wa Manchester City

Arsenal yiyemeje gutanga byose kuri rutahizamu wa Manchester City

Fabrice NDAYISHIMIYE Fabrice NDAYISHIMIYE  Jun 5, 2022 - 05:30

Ikipe ya Arsenal ikomeje kwiruka kuri rutahizamu Gabriel Jesus, biravugwa ko iyi kipe yemeye kumukubira hafi kabiri umushahara asanzwe ahembwa.

Ikipe ya Arsenal yiteguye gukuba hafi kabiri umushahara Gabriel Jesus asanzwe ahembwa muri Manchester City, ikamuzana i London muri iyi mpeshyi.

Amakuru menshi akomeje kwerekeza Gabriel Jesus muri Arsenal nyuma y'uko Manchester City isinyishije Erling Haaland wavuye muri Borussia Dortmund, ndetse iyi kipe ikaba yaranasinyishije umunya-Argentine Julian Alvarez bikagaragara ko kubona umwanya bizagorana.

Mikel Arteta arifuza cyane Gabriel Jesus nyuma y'uko iyi kipe yatakaje Pierre-Emerick Aubameyang na Alexandre Lacazette, ba rutahizamu babiri Arsenal yagenderagaho.

Gabriel Jesus arifuzwa cyane na Arsenal (Image:PA)

Mu minsi ishize The Sun yatangaje ko Arsenal yagiranye ibiganiro n'umu-agent wa Gabriel witwa Marcelo Pettinati, ariko nyuma hajemo amakipe yo muri Serie A na La liga amwifuza atuma bisubira inyuma.

Mu gihe Gabriel Jesus asanzwe ahembwa ibihumbi 110 by'amapawundi muri Manchester City, Arsenal irifuza kujya imuhemba ibihumbi 190 byose by'amapawundi.