Amafaranga abasifuzi bo muri Premier league bahembwa aratangaje

Amafaranga abasifuzi bo muri Premier league bahembwa aratangaje

Fabrice NDAYISHIMIYE Fabrice NDAYISHIMIYE  Sep 6, 2022 - 01:42

Umusifuzi ni umwe mu bantu bashobora kagena ibiva mu mukino bitewe n'uko yitwaye, ibi bituma abantu benshi bibaza amafaranga bahembwa. Reka turebere hamwe ayo abasifuzi bo muri Premier league bahembwa, dore ko bakorera muri shampiyona ikunzwe cyane kurusha izindi ku isi.

Usibye kuba bahura n'ibibazo bitandukanye bahura nabyo haba mu kibuga ndetse no hanze yacyo kubera ibyemezo baba bafashe, abasifuzi bo muri Premier league bafata amafaranga ari hasi cyane ugereranyije n'abakinnyi cyangwa abatoza.

Amakuru dukesha Sport free avuga ko umusifuzi wo muri Premier league abona amafaranga ari hagati y'ibihumbi 70 by'amapawundi n'ibihumbi 200 by'amapawundi ku mwaka.

Usibye ayo bagenerwa nk'umushahara kandi, abasifuzi bo muri Premier league bahabwa andi mafaranga uko basifuye umukino. Abasifuzi bo hagati bahabwa 1500 cy'amapawundi ku mukino, abo ku ruhande n'abakoresha VAR bagahabwa 850 y'amapawundi.

Umwongereza Mike Dean uherutse guhagarika ibyo gusifura hagati mu kibuga, bivugwa ko ariwe musifuzi wahembwaga menshi muri Premier league.

Igenzura ryakozwe na Sportekz rivuga ko Mike Dean yafataga ibihumbi 200 by'amapawundi ku mwaka, hatabariwemo ayo ahabwa ku mikino yasifuye.

Abasifuzi bahembwa make ugeferanyije n'abo basigurira( Net-photo)