Umuhanzi wo muri Nigeria, Innocent Ujah Idibia amazina nyakuri ya 2Baba, yitandukanyije n'abavuga ko Donald Trump yarashwe mu buryo butunguranye n'abashakaga kumwivugana.
Kuri 2Baba asanga iraswa Donald Trump wabaye Perezida wa Leta Zunze Ubumwe z'Amerika, ari ibintu byateguwe neza bigashyirwa mu bikorwa, bityo atari ibintu byatunguranye nk'uko bivugwa.
Ntabwo ari 2Baba ubona ubugambanyi mu iraswa rya Trump gusa, kuko hari n'abandi bagabo bahoze muri Secret Service urwego rushinzwe gucunga umutekano w'abayobozi bakuru muri USA, bagarageje ko bitumvikana neza ukuntu Trump hari kubaho umugambi wo kumwica kandi abashinzwe umutekano bari kuba bagenzuye ibintu byose.
Ibindi byamamare biri ku ruhande rwa 2Baba mu kutemera iraswa rya Donald Trump barimo Charly Boy, Toyin Lawani, umukinnyi wa filime muri Amerika , Amanda Seales, n'abandi.
Donald Trump akaba yararashwe ku 14 Nyakanga 2024 araswa ku gutwi n'umusore w'imyaka 20 y'amavuko Thomas Matthew Crooks mu gace ka Pennsylvania, ubwo yari mu bikorwa byo kwiyamamaza ku mwanya w'umukuru w'igihugu cya America.
Charles Boy na 2Baba ntibemera ko Donald Trump yarashwe bitapanzwe
