Wayne Rooney yabonye ikipe nshya atoza

Wayne Rooney yabonye ikipe nshya atoza

 Jul 13, 2022 - 02:42

Umunyabigwi wa Manchester United n'Ubwongereza, Wayne Mark Rooney yagizwe umutoza mushya w'ikipe ya DC United nyuma y'igihe gito atandukanye na Derby Count.

Ikipe ya DC United yo muri Leta zunze ubumwe za America yamaze kwemeza ko yahaye akazi umutoza w'Umwongereza Wayne Rooney, aho bavuga ko yagaragaje ubuhanga mu gutoza kuva yahagarika gukina umupira w'amaguru nk'uwabigize umwuga.

Wayne Rooney ageze muri iyi kipe nyuma y'igihe kitari kinini atandukanye na Derby Count yatozaga mu Bwongereza, ndetse agarutse muri DC United yakinnyemo imyaka ibiri mbere y'uko ahagarika gukina umupira w'amaguru nk'uwabigize umwuga.

Wayne Rooney watozaga Derby Count mu cyiciro cya kabiri mu Bwongereza, yatandukanye nayo nyuma y'uko iyi kipe imanutse mu kiciro cya Gatatu mu mpera z'umwaka w'imikino ushize.

Wayne Rooney yagizwe umutoza wa DC United(Image:Getty)

Wayne Rooney yerekeje mu murwa mukuru wa Leta zunze ubumwe za America atajyanye n'umuryango we. Bivugwa ko na mbere umugore we Coleen atanyuzwe n'uyu mujyi.

Rooney w'imyaka 36, yageze mu ikipe ya DC United bwa mbere muri 2018 nk'umukinnyi ubwo yari avuye mu ikipe ya Everton. Uyu mugabo yatsindiye iyi kipe ibitego 25 mu mikino 52 yayikiniye, ahita agaruka mu Bwongereza gukinira Derby Count.