Faiq Bolkiah w'imyaka 23 yabonye ikipe nshya nyuma yo kurekurwa n'ikipe ya Maritimo yo muri Portugal akayivamo nta mukino n'umwe akinnye mu gihe yayimazemo.
Faiq yamenyekanye cyane ubwo yasinyaga mu bato ba Southampton yo mu Bwongereza mu 2009, yaje kwerekeza muri Arsenal na Chelsea mbere y'uko asinya imyaka itatu muri Leicester City mu 2016.
Uyu musore kandi yakoze imyitozo mu ikipe ya Reading ndetse na Arsenal ariko hose ntiyagiye ahirwa no gukina umupira w'amaguru nk'uwabigize umwuga.
Uyu musore kandi yaje kwerekeza mu ikipe ya Leicester City ayivamo mu 2020 aribwo yerekeje mu ikipe ya Maritimo yo muri Portugal nayo iherutse gutandukana nawe nta mukino akinnye mu ikipe nkuru.
Gusa kuri ubu hari inkuru nziza kuri uyu musore w'imyaka 23 kuko yamaze gusinyira ikipe ya Chonburi Football Club ikina shampiyona y'ikiciro cya mbere muri Thailand.
Uyu musore amakuru avuga ko afite amafaranga agera kuri miliyari 13.7 z'amapawundi mu gihe umuherwa wa Chelsea afite miriyali 10 z'amapawundi ndetse na Stan Kroenke wa Arsenal akagira miriyali 7.5 z'amapawundi.
Gusa n'ubwo afite aka kavagari, ntago bituma yitwara mu buryo budasanzwe mu makipe yagiye anyuramo nk'uko bigenda bitangazwa.
Niwe mukinnyi ukize kurusha abandi ku isi ariko ubu ari kwigurisha
Umukinnyi bakinanye mu ikipe ya Chelsea witwa Ruben Sammut avuga ko Faiq aba ari umukinnyi uciye bugufi mu rwambariro kurenza uko abantu bakeka ko atakwiyoroshya.
Ruben yabwiye ikinyamakuru the Athletic ati:"Ntago wari kwigera utekereza ko yari icyo aricyo. Twajyaga dukina nawe. Ntitwigeze tumenya uwo yariwe kandi muri Chelsea nta n'umwe wari uzi amateka ye."
Faiq Bolkiah mu ikipe ya Leicester City(Image:The mirror)
Faiq yabonye ikipe nshya muri Thailand(Image:Daily star)
