Video yagiye ahagaragara, yerekanye uyu pasiteri washinze Shekina Area Ministries, umuvugabutumwa wa Gospel Agochukwa akora icyo yise igitangaza.
Muri iyo video, pasiteri abaza umusore niba aherutse kubura umwenda we w’imbere vuba, undi ahita abyemeza.
Pasiteri yahise amubaza niba azi uwawutwaye,undi amusubiza ko atamuzi,niko kumubwira ko ibyo bintu byagize ingaruka mbi ku gitsina cye.
Ati: “Batwaye umwenda wawe w’imbere bashaka ko igitsina cyawe kitazongera gukora. Kuva icyo gihe, ntiwongeye kumva igitsina cyawe gihagurutse, ukunda kugikoraho byoroheje, ndetse no muri bisi? Ngiye kukugarurira igitsina cyawe nkiguhe.
Urashaka igitsina kinini? Nshobora kucyongerera uburebure mu mwuka”.
Yahise amusengera maze asaba Imana kurekura igitsina cye, igifu n’amara. Pasiteri akimukoraho,yahise agwa.
