Nk'uko bitangazwa n'ikinyamakuru Mozzart Sport, Umunyarwanda Casa Mbungo Andre watozaga Bandari FC yo muri Kenya yamaze gutandukana nayo kubera umusaruro udahagije.
Casa Mbungo yagiye muri Bandari FC muri Mutarama 2021 ndetse afasha iyi kipe gusoza ari iya kabiri muri shampiyona ya 2021-2021, ndetse aba uwa gatatu mu batoza b'umwaka muri shampiyona ya Kenya.
Casa Mbungo yirukanwe nyuma y'uko bivugwa ko yari yahawe imikino yo kugarura iyi kipe imaze iminsi ititwara neza, ariko bikaba byaramunaniye kuko ubu yicaye ku mwanya wa kenda.
Ikipe ya Bandari FC ayisize ku mwanya wa kenda aho ifite amanota 26 mu mikino 18 imaze gukinwa, ikaba yarabashije gutsindamo imikino itandatu gusa.
Casa Mbungo Andre yamaze gutandukana na Bandari FC(Net-photo)
Casa Mbungo asize Bandari ku mwanya wa kenda muri shampiyona
