Ni umunsi wa 4 wa Uefa Champions League aho imikino ibiri yabanjirije indi yabaye ku isaha ya saa 19:00.
Real Madrid yari yakiriye Shakhtar Donetsk maze umukino urangira ari ibitego bya Real Madrid 2-1 Shakhtar Donetsk.
Ni umukino wasize inkuru I musozi kuko Real Madrid yabaye ikipe ya mbere ku isi imaze gutsinda ibitego byinshi muri Uefa Champions League aho imaze gutsinda ibitego igihumbi muri iri rushanwa. Ikaba ari nayo kipe ifite iri rushanwa inshuro nyinshi aho iri irifite inshuro 13.
Ibitego byombi bya Real Madrid byatsinzwe na Kalim Benzema ku mipira yahawe na Vinícius Júnior.
Real Madrid yabaye ikipe ya mbere ku isi itsinze ibitego igihumbi muri Uefa Champions League
Umukino wari uw’umunsi wari wahuje Liverpool na Atlético Madrid maze Atlético Madrid yongera gutsindwa bwa kabiri muri uyu mwaka.
Umukino wari wabanje Liverpool yari yatsindiye Atlético Madrid iwayo ibitego 3-2.
Liverpool yatangiye igitego imbaraga nyinshi isatira ikoresheje abasore bayo bari Sadio Mané na Mohamed Salah bityo ku munota wa 13 Diogo Jota yafunguye amazamu ku mupira yahawe Trent Alexnder Arnold.
Atlético ntiyabashije kwihagararaho kuko ku munota wa 21 Liverpool yatsinze igitego cya kabiri cyayo cyatsinzwe na Sadio Mané ku mupira yari ahawe na Trent Alexander Arnold.
Ku munota wa 36 Felipe Augusto yahawe ikarita itukura ku ikosa yakoreye Sadio Mané maze Atlético Madrid basigara ari 10.
Abantu batekerezako Liverpool igiye kuyinyagira ariko igice cya mbere kirangira ari ibitego 2 bya Liverpool ku busa bwa Atlético Madrid.
Igice cya kabiri cyagarukanye imbaraga ku ruhande rwa Liverpool kuko yari yuzuye kandi yanatsinze umukino.
Ku munota wa 48 Diogo Jota yashyizemo igitego cya gatatu ariko VAR iracyanga.
Atlético Madrid yatangiye gusatira ariko icibwa intege na VAR kuko ku munota wa 57 Luís Suarez yatsinze igitego baracyanga maze Atlético Madrid itangira kurwana no kugarira ngo idatsindwa byinshi.
Umukino warangiye ntagihindutse ari ibitego bya Liverpool 2-0 Atlético Madrid.
Ibindi byaranze uyu mukino.
Habonetsemo amakarita y’imihondo 7 aho Liverpool yabonye 3 ya Sadio Mané 15’ Diogo Jota 85’ na Joel Matip 90+2. Ni mu gihe Atlético Madrid yabonye amakirita y’imihondo 4 ya Mario Hermoso 8’ Luís Suarez 37’ Koke 38’ na João Félix 52’ ndetse n’ikarita y’umutuku yahawe Filipe Augusto ku munota wa 36.
Guhererekanya umupira .
Liverpool 67% , Atlético Madrid 33%.
Liverpool yandagaje Atlético Madrid iyitsinda kabiri kikurikiranya (Liverpool Instagram photo)
Undi mukino wari ukomeye ni RB Leipzig yari yakiriye Paris Saint Germain mu budage.
Ni Paris Saint Germain itari ifite kizigenza wayo Lionel Messi kandi ikeneye gutsinda umukino kugirango iyobore itsinda rya (A) ihuriyemo na Manchester City.
Rb Leipzig yatangiye irusha cyane Paris Saint-Germain kuko ku munota wa 8 yafunguye amazamu ku gitego cyatsinzwe na Christopher Nkunku ku mupira yahawe na André Silva.
Rb Leipzig yakomeje gushakisha ikindi gitego kuko ku munota wa 12 yabonye penaliti ariko André Silva arayihusha.
Paris Saint-Germain yatangiye kugaruka mu mukino maze ku munota wa 21 Georginio Wijnaldum yaje kwishyura igitego bari batsinzwe ku mupira yahawe na Kylian Mbappé.
Igice cya mbere kigiye kurangira Paris Saint Germain yaje gutsinda igitego cya kabiri cyatsinzwe na Georginio Wijnaldum.
Igice cya mbere kirangira Paris Germain iyoboye umukino.
Igice cya kabiri cyagarutse ubona amakipe yombi anganya imbaraga ariko Paris Saint-Germain ikagerageza kwiharira umupira.
Paris Saint Germain ntibyayihiriye kuko ku munota wa 90+2 RB Leipzig kubera gukomeza kotsa igitutu yaje kubona Penaliti yabo ya kabiri maze barayinjiza.
Umukino urangira ari ibitego by Rb Leipzig 2-2 Paris Saint Germain.
Ni umukino wari ugoye kuko wabonetsemo amakarita 10 Rb Leipzig 4 naho Paris Saint Germain 6.
Paris Saint Germain yaguye miswi na RB Leipzig (Paris Saint Germain Instagram Photo)
Undi mukino wabaga.
Manchester City inyagira Club Brugge ibitego 4-1.
Ni ibitego by Manchester City byatsinzwe na Phil Foden 15’ ku mupira yahawe na João Cancelo, Riyad Mahrez 58’ ku mupira yahawe na João Cancelo, Raheem Sterling 72’ ku mupira yahawe na ilkay Gündogan ndetse na Gabriel Jesus 90+2 Ku mupira yahawe na João Cancelo.
Igitego kimwe rukumbi cya Club Brugge cyitsinzwe na John Stones.
Manchester City yanyagiye Club Brugge (Manchester City Instagram photo)
Indi mikino yarangiye.
Borussia Dortmund 1-3 Ajax
Sporting CP 4-0 Besiktas
Ac Milan 1-1 Fc Porto
Fc Sheriff 1-3 Inter Milan.
