The Choice Awards 2021! Abahanzi bigaragaje bo kwitega mu cyiciro cy’umuhanzi  w’umwaka

The Choice Awards 2021! Abahanzi bigaragaje bo kwitega mu cyiciro cy’umuhanzi  w’umwaka

 Aug 31, 2021 - 06:13

Umwaka wa 2020 wasize Bruce Melodie ahigitse abahanzi bari bahataniye igihembo cy’umuhanzi wahize abandi mu bagabo( The Choice Make artist of the year ) . Muri iyi nkuru turagaruka ku bahanzi bashobora guhatanira muri iki cyiciro mu bihembo bya 2021.

Bruce Melodie yari afite indirimbo nka Abu Dhabi, Ikinyafu , Saa moya n’izindi yajyiye agaragaramo 

Bruce Melodie yegukanye The Choice Male artist of the year 2020 (www.thechoicelive.com/awards)

Abahanzi bari bahanganye bahagaze gute?

 Davis D , Israel Mbonyi , Mico The Best , na Platini P nibo bahanzi bari bahanganye na Bruce Melodie mu cyiciro cy’umuhanzi w’umwaka (The Choice Male artist of the year ) . Davis D yari afite “Bon” , “Ifarasi “, na “Micro”.

Israel Mbonyi yari afite Sinzibajyirwa” , “Urwandiko “na “hari ubuzima “,

Mico The Best yari afite “igare” , “Umunamba “ “ na “Twembi” na

Platini P yari afite “Veronika “ , “ Atansiyo “ “Helena” , “Ntabirenze ari kumwe na Knowless  na “pase “ ari kumwe na Rafiki.

Mico The Best kuva mu kwa gatatu yasohoye indirimbo nka “Ubunyunyusi “ ari kumwe na Riderman n’indi aherutse gusohora “Amabiya” yakunzwe cyane.

Israel Mbonyi yasohoye indirimbo imwe gusa yitwa “Baho “

Ni mu gihe platini P we nta ndirimbo yari yagasohoye uretse iyo yashyize hanze mu minsi Mike ishize yise “shumuleta “. Yagaragaye mu ndirimbo yafashijemo abarimo Ben Adolphe yitwa”Aba Ex”. Iyo yahuriyemo n’abahanzi bo muri Kina Music kuri album InzOra ya Butera Knowless.

Davis D na Bruce Melodie bombi basohoye indirimbo ebyiri uyu mwaka . Davis D we yasohoye iyitwa “Pose “ nindi yise “itara “ naho Bruce Melodie asohora “Bado “ na “Katapilla “

Hari abahanzi bongereye umuvuduko  ku buryo bibaha amahirwe yo kuzagaragara muri iki cyiciro mu bihembo bya The Choice Awards 2021.

Juno yegukanye icy'umuhanzi mushya ariko uyu mwaka ashobora guhatanira icy'umuhanzi witwaye neza (thechoicelive.com/awards)

Juno Kizigenza umuhanzi wabarizwaga mu Igitangaza Music ari mu bigaragaje uyu mwaka aho mu mezi umunani gusa asohoye indirimbo 4 , “nazubaye “ “Away” afatanyije na Ariel Ways “ Please me “ na “Kizigenza”.

Ish Kevin uyu mwaka yarigaragaje (Instagram photo)

Ish Kevin ufite imitima ya benshi muri iyi minsi uyu mwaka amaze gusohora indirimbo nka “amakosi” , “King Kong” yahuriyemo na Kivumbi King na Kenny K Shot , asohora “Brocode “ ari kumwe na Og2Tone na Kenny k shot , asohora na“no Cap” ari nayo iheruka.

Kivumbi King ahagaze neza ku buryo yahatanira iki gihembo (Instagram photo)

Kivumbi King umaze iminsi asohoye album iriho indirimbo 9, yasohoye “kabisa “ nyuma asohora “amajoro 4 “ yakoze avuye gereza nyuma yaho asohora “Away” na “King Kong “ yahuriyemo na Ish Kevin na Kenny k Shot asohora “umudugudu” ya Mashariki Africa nyuma yaho asohora indirimbo 9 ziriho abahanzi bakomeye batandukanye nka Ish Kevin , Bushali , Amalon ,Nutty Neithan wo muri Uganda , Mike Kayihura , na Kirikou Akilli wo mu Burundi.

Bushali ahagaze neza muri uyu mwaka (Instagram photo)

Bushali ubarizwa mu nzu itunganya ikanafasha abahanzi yitwa Green Ferry Music uyu mwaka nawe arahabwa amahirwe yo guhatanira igihembo cy’umuhanzi wahize abandi kubera ko yasohoye indirimbo zakunzwe zirimo “wapfa “, iyitwa “Amakosa “ hamwe na “iyoroshye “nyuma yaho asohora umuzingo w’indirimbo umunani yise Kivuruga afatanyije na Ghanaian Stallion akaba asanzwe atunganya imiziki. AKomoka muri Ghana ariko akorera mu Budage (Germany).

 Bull dog yarakoze uyu mwaka (Instagram photo)

Bull dog Afite indirimbo yitwa “Mood “ afatanyije na B-Threy ikunzwe cyane muri iyi minsi ,nubwo ari kwitegura gushyira album hanze yitwa Kemetherapy.

Social Mula yakoze collabo zimwemerera guhatanira The Choice Male artist of the year 2021 (Instagram photo)

 Social Mula nubwo nta ndirimbo ye ku giti cye yasohoye ariko yafatanyije n’abahanzi batandukanye mu gukora indirimbo zakunzwe cyane harimo “Amata “ yafatanyije na Dj Phil Peter. “Fine” yakoranye na Nizzo kaboss bafatanyije na Peace Jolis n’iyo aheruka yitwa “ Bambe “ afatanyije na Papa Cyangwe, akaba yaragaragaye mu yitwa “Akantu” ya Butera Knowless. Ibi nibyo biri guhesha Social Mula amahirwe yo kuzahatana muri iki cyiciro.

B-Threy ahagaze neza ku buryo yahatanira igihembo cy'umuhanzi witwaye neza mu 2021  (Instagram photo)

B-Threy ari mu bahagaze neza muri uyu mwaka nawe aza ku rutonde aho afite indirimbo nka “Bibi” , “Inzira “ na “Aye “ aherutse gusohora, na “mood “ yahuriyemo na Bull dog.

Abandi bahanzi bashobora guhabwa amahirwe harimo Christopher wasohoye Mi Casa ikakirwa neza nyuma yo kumara umwaka atagaragara bitewe n’ibibazo yanyuzemo birimo kubura umubyeyi we.

Umwanditsi: Danny Rurema