Supercomputer yagaragaje ko ikipe Liverpool ariyo izatwara igikombe cya shampiyona mu mwaka utaha w'imikino, kikaba igikombe cya kabiri yaba itwaye mu myaka ine ishize nyuma y'icyo yatwaye 2019.
Liverpool yabuze igikombe cya shampiyona mu mwaka ushize w'imikino aho yagitwawe na Manchester City iyirusha inota rimwe, nyuma ikaba yarongereye imbaraga igura rutahizamu Darwin Nunez n'ubwo nayo yatakaje Sadio Mane.
Gusa iyo Manchester City yabatwaye igikombe nayo ntiyicaye ubusa kuko yamaze gusinyisha ba rutahizamu babiri aribo Erling Haaland na Julian Alvarez, ndetse ikaba yenda no gusinyisha umwongereza Kalvin Phillips usanzwe akinira Leeds United.
Indi kipe yahawe amahirwe menshi yo kuba iya gatatu nyuma y'aya makipe abiri ya mbere, ni Arsenal yabaye iya gatanu muri shampiyona y'umwaka w'imikino ushize.
Supercomputer yahanuye ko Arsenal ya Mikel Arteta izaba iya gatatu(Image:Reuters)
Arsenal yasinyishije abakinnyi babiri aribo Fabio Olveira na Marquinhos, ndetse na Gabriel Jesus wa Manchester City byitezwe ko aratangazwa mu minsi mike iri imbere. Aba bakaba barinjiye muri iyi kipe, nyuma y'uko nayo yarekuye Alexandre Lacazette wasoje amasezerano akaba yarasubiye muri Lyon.
Byitezwe ko kandi ikipe ya Tottenham Hotspurs itozwa na Antonio Conte ariyo izaba iya kane ku rutonde rwa shampiyona, bikaba bivuze ko Liverpool, Manchester City, Arsenal na Tottenham arizo zizabona itike yo kujya muri UEFA Champions league.
Supercomputer yagaragaje ko Chelsea na Manchester United ziri kugaragaza imbaraga nke ku isoko ry'igura n'igurisha, zizasoza umwaka w'imikino zirwanira kujya muri Europa league.
