Nta munsi washize! Guterman yarekuwe

Nta munsi washize! Guterman yarekuwe

 Sep 22, 2022 - 20:49

Umunyamakuru Guterman wavugwagaho gufungwa, yarekuwe nyuma yo kudahamwa n’ibyaha yaregwaga.

Umunyamakuru Bujyacyera Jean Paul uzwi nka Guterman Gutter mu biganiro by’imyidagaduro by’umwihariko kuri radiyo Isango Star yarekuwe nyuma yo kudahamwa n’ibyaha yashinjwaga.

Kuri uyu munsi tariki 22 nibwo hamenyekanye itabwa muri yombi rya Guterman wari watawe muri yombi kuwa 21 Nzeri 2022 ashinjwa ibyaha byo gukubita no gukomeretsa mu buryo bworoheje ariko nyuma y'amasaha make akaza kurekurwa.

Mu kiganiro Guterman yagiranye na The Choice Live nyuma yo kurekurwa, yavuze ko yari yatawe muri yombi ariko bitasabye n’amasaha 24 [umunsi umwe] kugirango arekurwe.

Ati “Bari barimo gukora iperereza ariko basanze ntaho bihuriye [nta byaha byigeze bimpama] bahita bandekura.

Guterman amenyerewe kuri radiyo Isango Star mu biganiro bitandukanye byibanda ku myidagaduro, asanzwe kandi ari umuyobozi w’ishuri ry’incuke rya “Nufashwa Yafasha” riherereye mu karere ka Gatsibo, mu Murenge wa Ngarama. 

Muri iki kiganiro yagiranye na The Choice Live kandi, yavuze ko icyo ashyize imbere ari  shuri kuko amasomo yegereje.

Guterman yahakanye izindi nkuru zamuvugwagaho, aho byavugwaga ko yateje imvururu mu kabari ati “Ibyo ni uguharabika umuntu ariko icyiza n’uko inzego z’umutekano zandenganuye."