Umukinnyi wa Police FC n'ikipe y'igihugu Amavubi, Hakizimana Muhadjiri yamaze kumvikana n'ikipe ya Alkholood FC ikina ikiciro cya kabiri muri Saudi Arabia.
Uyu musore yari yasinye amasezerano y'umwaka umwe gusa muri Police FC mu mpeshyi y'umwaka ushize, akaba ari kurangirana n'uyu mwaka w'imikino uri kugana ku musozo.
Muhadjiri Hakizimana yumvikanye n'iyi kipe ko agomba gusinya amasezerano y'imyaka ibiri, bivuze ko azarangira mu 2024.
Uyu mukinnyi w’imyaka 28 nk'uko bigaragaraku byangombwa bye, yari amaze imyaka ibiri mu Rwanda aho yakiniye AS Kigali na Police FC nyuma yo gutandukana na Emirates Football Club yakiniye muri Leta Zunze Ubumwe z’Abarabu mu mwaka w’imikino wa 2019/20.
Muhadjiri agiye gusubira gukina hanze y'u Rwanda(Net-photo)
Yerekeje muri Asia nyuma y’imyaka itatu akinira APR FC yari yaragezemo muri Nyakanga 2016 avuye muri AS Kigali, na yo yari yamuguze muri Mukura Victory.