Lionel Messi yashimagije bikomeye umutoza we wa kera, Pep Guardiola, avuga ko uyu mugabo w’imyaka 54 afite itandukaniro rimwemerera kuba umuhanga kurusha abandi batoza bose ku isi.
Mu kiganiro kidasanzwe aherutse kugirana n'ikinyamakuru ESP, Messi w'imyaka 38 yagize ati: "Kuri njye, Guardiola ni umwihariko. Hariho abatoza beza cyane, ariko we afite ikintu gitandukanye. Kuri njye, ni umuhanga kurusha abandi bose."
Aba bagabo bombi bafatanyije mu bihe byiza bya FC Barcelona, aho Messi yabaye inkingi ya mwamba mu ikipe yegukanye ibikombe bikuru 14 hagati ya 2008 na 2012.
Kuva Guardiola yagera muri Manchester City mu 2016, yakomeje kwitwara neza, atwara ibikombe 18 bitandukanye, birimo bitandatu bya Premier League n'igikombe kimwe cya UEFA Champions League .
Guardiola aherutse kwizihiza umukino we wa igihumbi nk'umutoza mukuru.
Messi yahishuye uko afata Pep Guardiola
