I Manchester amakuru akomeje kuzamuka avuga ko ikipe ya Manchester City yifuza umusore wa Manchester United ukiri muto witwa Kobbie Mainoo.
Uyu musore ukina hagati mu kibuga afasha ba myugariro ni umwe mu bakinnyi bake baherutse kuva mu bato ba Manchester United batanga ikizere cyo kuzavamo abakinnyi bakomeye mu myaka iri imbere.
Amakuru dukesha FourFourTwo avuga ko umutoza Pep Guardiola yaba yararebye imikinire y'uyu nusore w'imyaka 18 akamubonamo uwamufasha cyane yambaye ubururu n'umweru wa Manchester City.
Kobbie Mainoo yoigaragaje cyane ubwo Manchester United yari mu mikino ya pre-season nko mu wo batsinzemo Arsenal ibitego bibiri ku busa, ariko yahise avunika bikiri mu ntangiro z'uyu mwaka w'imikino.
Umutoza wa Manchester United Erik Ten Hag akunda cyane uyu musore ukiri muto, akaba ari no mu bantu byitezwe ko barwanya igurishwa rye mu gihe Manchester City yaba itanze ubusabe mu buryo bwanditse.
Manchester City irifuza Kobbie Mainoo w'imyaka 18
