Igikombe cya Africa giheruka gukinwa mu 2019 ubwo kegukanwe na Algeria.Ikindi giteganyijwe mu ntangiro z'umwaka wa 2022 ariko gishobora kwigizwa inyuma kubera covid-19.
Igikombe cya Africa giteganyijwe kuba kuva tariki 9 Mutarama kugera tariki 6 Gashyantare mu 2022, kikazabera muri Comeroun ndetse kigiye kuba ku nshuro ya 33 mu mateka yacyo.
Amakuru dukesha RMC Sports avuga ko iyi mikino ishobora kongera gusubikwa kubera ikibazo cy'ubwandu bushya bwa Covid-19 yihinduranyije ya Omicron.
Iki kinyamakuru gikomeza gitangaza ko ishyirahamwe ry'umupira w'amaguru muri Africa CAF naryo ryaba ryatangiye gutekereza uburyo iyi mikino yasubikwa.
Biravugwa ko amakipe menshi yo mu Bwongereza, atazemera kurekura abakinnyi bayo ngo bajye gukina muri Africa kandi nibagaruka Bazabanza kujya mu kato.
Mu gihugu cy'Ubwongereza hakomeje kugaragara ubwandu bukomeye ndetse n'ubwiyongere kubandura Covid-19 byatumye Ubwongereza bishyiraho ingamba zikomeye ku bantu binjira muri iki gihugu.
Mu gihe iyi mikino yasubikwa, yaba ibaye indi mikino ikomeye isubitswe nyuma ya Euro 2020 na Tokyo Olympics Game kubera ikibazo cya Covid-19.
Uko amatsinda ateye mu gikombe cya Africa(Net-photo)
