Kane yegukanye iki gihembo nyuma yo kugira umwaka w’imikino wa 2025/26 udasanzwe, aho yafashije Bayern Munich kwegukana igikombe cya shampiyona y’Ubudage, binyuze mu bitego byinshi yatsindiye iyi kipe.
Uyu mukinnyi w’imyaka 32 yatsinze ibitego 36 mu mikino 31 ya shampiyona y’Ubudage, ibintu byamuhesheje kuba umukinnyi watsinze ibitego byinshi kurusha abandi muri mashampiyona zose zo ku mugabane w’u Burayi.
Harry Kane yarushije Erling Haaland wa Manchester City warangije afite ibitego 27, ndetse anasiga Kylian Mbappe wa Real Madrid watsinze ibitego 25.
Si ubwa mbere Kane yegukanye European Golden Boot kuko no mu mwaka we wa mbere muri Bayern Munich wa 2023/24 yarayegukanye,aho yari yayitwaye nyuma yo gutsinda ibitego 36 muri shampiyona y’Ubudage.
Mu marushanwa yose yakiniye Bayern Munich muri uyu mwaka ushize, Harry Kane yatsinze ibitego 61 ndetse anatanga imipira 7 yavuyemo ibitego mu mikino 51.
Nyuma yo kongera kwegukana iyi European Golden Boot, Harry Kane akomeje gushimangira ko ari umwe muri ba rutahizamu beza babayeho mu mupira w’amaguru w’u Burayi,ndetse no ku Isi muri rusange.
Umwanditsi: NIYOMUKIZA Gratien
