Mu rwego rwo gukomeza kubaka ikipe biravugwa ko Xavi ashaka kugarura Thiago Alcantara muri FC Barcelona ubu uri muri Liverpool.
Thiago Alcantara ukinira Liverpool(Image:Jose Breton)
Uyu Thiago Alcantara yakinanye na Xavi ubwo yavaga mu bato ba FC Barcelona agakina imikino 101 mu ikipe nkuru mbere y'uko ajya muri Bayern Munich muri 2013.
Messi, Xavi na Alcantara muri FC Barcelona(Image:Daily mail)
Nk'uko bitangazwa na Sport, Xavi arabona ko Thiago Alcantara ari amahitamo meza yakomeza hagati mu kibuga ha FC Barcelona.
Biravugwa ko ibyo kuzana Thiago Alcantara Xavi yaba yaramaze kubiganiraho na Joan Laporta uyobora FC Barcelona ndetse ko yabyemeye.
Alcantara amaze gukina iminota 90 gusa muri uyu mwaka w'imikino ahanini kubera imvune yagize zatumye adakina. Alcantara yagiye muri Liverpool mu Kwakira 2020 ubwo yavaga muri Bayern Munich amaze gutwara Champions League.
Thiago Alcantara atwara Champions League muri Bayern Munich (Image:The mirror)
Xavi yageze muri FC Barcelona ayisanga ku mwanya wa cyenda muri shampiyona ya La Liga akaba asabwa kuyizahura.
Mu kibuga hagati ifitemo Sergio Busquets na Frankie De Jong. Ndetse bafitemo izindi mpano ziri kuzamuka aribo Pedri,Gavi na Nico Gonzalez.
Kongeramo Thiago Alcantara byafasha gukomeza gukuza abo bana ndetse bigatanga andi mahitamo kumutoza.
Ibi bije nyuma y'uko Xavi aherutse gusinyisha Dani Alves w'imyaka 38 nawe wahoze muri iyi kipe ya FC Barcelona.
