Umwanditsi: Freddy Musoni
Manchester United iherutse gusinyisha abakinnyi bakomeye barimo Jadon Sancho bavanye muri Borrussia Dortmund, Rafael Varane bakuye muri Real Madrid hakiyongeraho kizigenza Cristiano Ronaldo bakuye muri Juventus.
Yitezweho gutsinda uyu mukino
Nyuma y’uko Manchester United ihuriye k’umukino wa nyuma wa Uefa Europe League na Villarreal umwaka ushize w’imikino hanyuma igatwarwa igikombe n’iyi kipe kuri Penality 10-11 za Villarreal, zigiye kongera guhura kuko zose zisanze mu itsinda rimwe itsinda (F).
Manchester United ikeneye kwisunga n’abafana kuko iherutse gutsindwa 1-0 na Aston villa no gusezererwa na West Ham United Fc muri Carabao cup. Ni nyuma y’uko kandi bari baratsinzwe umukino wa mbere wa Uefa Champions League ubwo batsindwagamo na Young boyz 2-1 ubwo Aaron Wan-Bissaka yabonaga ikarita itukura biza gutuma Atari bukine uyu mukino. Ole Gunnar solskajaer akeneye gutsinda uyu mukino kugirango agabanye igitutu cy’abafana. Cristiano Ronaldo yitezweho gutsinda ibindi bitego kugirango akomeze gushimangirako ari umukinnyi udasanzwe muri iri rushanwa rya Uefa Champions League.
Muri Portugal biraba bishyushye
Fc Barcelona n’ayo iraza kuba iri mu gihugu cya Portugal aho iraba ikina na Benfica.
Fc Barcelona nyuma yo kwandagazwa na Bayern Munich ikayitsinda 3-0 iraza kuba ikeneye kubona intsinzi yayo ya mbere muri uyu mwaka w’imikino muri Uefa Champions League kuko ubu niyo ya nyuma mu itsinda (E).
Ronald Koeman n’abasore be bakeneye intsinzi kugirango bagabanye igitutu gisohora uyu mutona muri iyi kipe nyuma yo gutangira umwaka nabi. Ansu Fati ni umwe mu bakinnyi bitezweho umusaruro muri uyu mukino nyuma yo kuva mu mvune.
Chelsea iraza kuba yakirwa na Juventus
Aya ni amakipe yombi akeneye intsinzi kuko imwe muri zo ishobora kuzayobora itsinda (H). Chelsea iherutse gutsindwa 1-0 na Manchester City. Ni ukuvuga ko rero ikeneye kongera kwerekana ko ari iyo kwitega muri uyu mwaka doreko ari nayo ibitse iki gikombe cy’umwaka ushize. Romelu Lukaku ni umwe mu bitezweho gutsinda ibitego nk’uko amaze kubimenyereza abakunzi ba Chelsea. Juventus n’ayo ikeneye gutsinda uyu mukino kuko byayiha amahirwe yo kwizera kuzazamuka mu itsinda ari iya mbere. Massimilano Allegri aramutse atakaje uyu mukino byaba bimwerekeza ku muryango uyisohokamo. Bayern Munich Yitezweho gutanga isomo rya ruhago kuri Fc Dynamo Kyiv yo muri Ukraine nyuma yo gutsinda ibitego 3-0 ikipe ya Fc Barcelona.
