El Clásico: Icyo wamenya ku mukino w'ishiraniro uhuza Fc Barcelona na Real Madrid

El Clásico: Icyo wamenya ku mukino w'ishiraniro uhuza Fc Barcelona na Real Madrid

 Oct 24, 2021 - 10:46

La Liga Santander: umukino uruta iyindi ku isi Fc Barcelona iracakirana na Real Madrid.

El Clásico ni umukino uhuza amakipe akomeye muri Espanye ndetse no ku isi muri rusange Fc Barcelona na Real Madrid.

Aya makipe yombi niyo afite ibikombe byinshi muri Espanye ah Fc Barcelona ifite ibikombe 26 bya La Liga Santander, 31 Copa Del Rey na Uefa Champions League 5 naho Real Madrid ifite La Liga Santander 34, Copa Del Rey 19 na Uefa Champions League 13.

Aya makipe umukino wayahuje uba utoroshye kuko ni amakipe yabayeho afite intego zivugurazanya.

Real Madrid yashinzwe n’ubwami bwa Espanye naho Fc Barcelona yashinzwe n’abaturage batavuga rumwe na Leta ya Espanye kuko bashakaga ubwigenge bwa Catalonia intara iherereye muri Espanye ariko abayituye bavugako bigenga.

Kuva ku wa 29 ugushyingu 1899 Fc Barcelona yashingwa hatangiye kubaho ihangana ryeruye hagati ya Real Madrid na Fc Barcelona aho nta mukinnyi wabaga yakinira ikipe imwe ngo akinire indi. Iyo umukinnyi yabaga yakoze icyo gikorwa bamufataga nk’umugambanyi ukomeye.

N’ubwo hari abakinnyi batandukanye bakiniye aya makipe yombi harimo Ronaldo Razário,Julien Lopetegui , Samuel Eto’o n’andi hari umwe bitaguge neza ku buryo nanubu ari umwanzi w’akadasohoka I Camp Nou, ni Luís Figo .

Luís Figo mu mwaka 2000 yafashe umwanzuro yerekeza muri Real Madrid avuye muri Fc Barcelona ariko nanubu iyo ageze I camp Nou bamutera amabuye kuberako icyo gihe yari inkingi ya mwamba ya Fc Barcelona kandi yaravuzeko atazayihemukira.

Aya makipe yombi amaze guhura inshuro 246 Real Madrid imaze gutsinda inshuro 98 banganya 52 naho Barcelona itsinda inshuro 96.

Aya makipe nubwo akomeye kandi aba yiganye neza ntibibuza ko hari ubwo zitsindana ibitego byinshi.

Intsinzi zikomeye zabaye muri uyu mukino ukunzwe kurusha indi ku isi

1926 Fc Barcelona yatsinze 11-1 by Real Madrid , Muri uwo mwaka kandi Fc Barcelona yatsinze 15-1 cya Real

19 Kamena 1943 Real Madrid nayo yatsinze 11-1 cya Fc Barcelona

1935 Real Madrid yatsinze 8-2 bya Fc Barcelona.

Abakinnyi bamaze gukina imikino myinshi muri El Clásico ni Sergio Ramos na Lionel Messi bombi berekeje muri Paris Saint Germain aho bakinnye imikino 45 bombi.

Abakinnyi bamaze gutsinda ibitego byinshi muri uyu mukino ni Lionel Messi watsinzemo 26 agakurikirwa na Cristiano Ronaldo watsinzemo 18 mbere yo kwerekeza muri Juventus.

Ni umukino ukomeye kuko aya makipe yombi ariyo arwanira ibikombe kurusha ayandi muri La Liga Santander.

Nubwo uyu mukino utagifite amazina y’abakinnyi bakomeye nka mbere ntago bikuraho ko ari umukino ukomeye ku isi kuko uhuza amakipe akomeye kandi yose atari mu bihe byiza byayo.

Fc Barcelona yatsinzwe imikino 2 iheruka ya El Clásico ikeneye kwishyura kuko bidasanzwe bibaho.

Real Madrid irashaka gutsinda Fc Barcelona kugirango ikomeze kuyishyiramo intera nini muri shampiyona bityo bizayihe amahirwe yo gutwara igikombe bitayigoye.

Fc Barcelona ishyize imbere Ansu Fati umwana ukiri muto batekerezako azavamo Lionel Messi mushya kuko na Lionel Messi yigaragaza hari ku mukino nkuyu wa El Clásico.

Real Madrid yitezeko Kalim Benzema na Vinícius Júnior bari butsinde uyu mukino kugirango bashakishe Ballon d’or ya Kalim Benzema uri mu bihe byiza.

Nubwo uyu mukino uba ugiye kumenya ibiri buwuvemo Real Madrid irahabwa amahirwe menshi yo gutsinda uyu mukino.

Uyu mukino uratangira kuri icyi cyumweru saa 16:15 z’amankwa.