Icyamamare mu muziki wa Nigeria by'umwihariko mu njyana ya afrobeats David Adedeji Adeleke uzwi ku izina rya Davido, kuri ubu ku nshuro ya Mbere mu mwuga we wa muzika yarangije kwinjira ku rutonde rwa Billboard Hot 100, aho uri ruba ruriho indirimbo ijana zikunzwe cyane kuruta izindi muri Leta Zunze Ubumwe z'Amerika.
Davido akaba yageze kuri ibi bigwi biciye mu ndirimbo "Sensational" yafatanyije n'umunyamerika Chris Brown ndetse n'umunya-Nigeria Lojay. Yaba Davido ndetse n'uyu Lojay ni inshuro ya mbere bagaragaye kuri uru rutonde.
Davido, Chris Brown na Lajoy indirimbo yabo yinjiye muri Billboard Hot 100
Nk'uko byatangajwe kuri uyu wa Mbere n'urubuga rwa Billboard babinyujije ku rubuga rwabo rwa X, iyi ndirimbo ya Davido ikaba iri ku mwanya wa 96 muri iki Cyumweru.
Indirimbo Sensational, ikaba ije kuri uyu mwanya, nyuma y'uko yari imaze ibyumweru bitatu ku mwanya wa Mbere ku rutonde rwa "Bubbling chart".
Davido na Lojay kuri ubu bakaba biyongereye ku bandi bahanzi bo muri Nigeria baje kuri uru rutonde rwa U.S Billboard Hot 100 mu myaka yashize barimo: Wizkid, Burna Boy, Tems, Rema, Ckay, ndetse na Fireboy DML.
