Iserukiramuco rya Dreamville, rikaba ryabaye ku wa 01- 02 Mata 2023, rikabera muri Dorothea Dix Park, i Raleigh ho muri Karorina y'Amajyaruguru muri USA.
Iserukiramuco rya Dreamville rikaba ari ibirori bya muzika biba buri mwaka muri Raleigh muri Karorina y'Amajyaruguru, bigategurwa n'icyamamare muri Hip hop J.Cole hamwe n'itsinda rye rya Dreamville.
Kuri iyo mpamvu, uyu mwaka Burna Boy, Ayra Starr na Victony, ibyamamare muri Nigeria, nabo bakaba barazamuye ibendera ry'umuziki wo muri Afurika muri ibi birori.
https://www.thechoicelive.com/drake-usher-na-burna-boy-bazaba-bayoboye-iserukiramuco-rya-dreamville
Ku bw'ibyo, Victony akaba yarasusurukije abari bitabiriye ku munsi wa mbere, afatanyije n'ibindi byamamare mu isi harimo: Usher, Sean Paul, City Girls n'abandi.
Nubwo ku munsi wa mbere byari ibicika, ariko n'ubundi ibyamamare byari bigihari, ari nabwo ku munsi wa kabiri w'ibirori ubwo byari tariki ya 02 Mata aribwo Burna yifatiyemo.
Burna Boy hamwe na J Cole ariwe nyir'igitaramo, bakaba aribo bataramiye abari bitabiriye ibyo birori. Aba kandi bakaba bari kumwe n'umuraperi Drake.
Tugumye kuri Burna Boy watwaye Grammy awards uyu mwaka, akaba yararirimbye indirimbo ziri kuri Alubumu ye 'Love, Damini' ndetse n'izindi abafana basabaga.
Burna Boy, Ayra Starr na Victony basusurukije abitabiriye iserukiramuco rya Dreamville
Ku rundi ruhande kandi Ayra Starr nawe akaba yarimo yerekana imibyinire ye yashimishije benshi mu bakunzi ba Dreamville mu ndirimbo ye yise 'Rush'.
Muri rusange Burna Boy, Ayra Starr ndetse Victony bakaba barigaruriye imitima y'abakunzi b'umuziki, ibyatumye ku mbuga nkoranyambaga abafana barakomeje ku bishimira.
