Amaso yakuwemo! Ibiri gukorerwa abakoze igitero i Moscow-AMAFOTO

Amaso yakuwemo! Ibiri gukorerwa abakoze igitero i Moscow-AMAFOTO

 Mar 25, 2024 - 10:19

Abagabo bane bakoze igitero cy'iterabwoba i Moscow cyivuganye amagana ku wa Gatanu, bagejejwe mu Rukiko bwakorewe iyicaruboza ryo ku rwego rwo hejuru, aho amasura yahindanye.

Abagabo bane bakekwaho gukora igitero cy'iterabwoba mu Burusiya ku wa Gatanu tariki ya 22 Werurwe 2024 mu nzu y'ibirori ya Crocus City Hall abarenga 137 bakicwa abandi barenga 187 bagakomereka, bagejejwe mu Rukiko rw'i Moscow mu Murwa Mukuru bakubiswe bya nyabyo.

Abagejejwe mu Rukiko ni Dalerdzhon Mirzoyev, Saidakrami Murodali Rachabalizoda, Shamsidin Fariduni na Muhammadsobir Fayzov, aho binjijwe mu Rukiko rwo mu karere ka Basmann batatu muri bo bunamishijwe ndetse undi agendera mu kagarare.

Abakoze igitero i Moscow bageze mu Rukiko batotejwe

Amashusho akomeje gukwira kuri interiniti, yerekana abo bagabo bane bagezwa mu Rukiko bapfutswe ibitambaro mu maso. Andi mashusho abagaragaza bakubiswe mu gihe barimo bahatwa ibibazo, dore ko bose bari babyimbye mu maso ubwo bari mu Rukiko.

Umwe muri aba bagabo ufite izina rya Mirzoyez  hamwe na Rachabalizoda bakaba bagaragaye amaso yabo yahindutse umukara, ndetse Mirzoyev yari apfukishije ishashi ya plastic ku ijosi.

Undi mugabo ufite izina rya Fariduni byagaragara ko afite intege nke, mu gihe undi ufite izina rya Fayzov we yari yatakaje ubwenge, nk'uko iyi nkuru dukesha BBC ibivuga. Ni mu gihe ikinyamakuru Retuers cyo kivuga ko ahubwo uyu Fayzov yatakaje ijisho.

Ibiro Ntaramakuru by'Abarusiya TASS, biravuga ko aba bagabo baturuka muri Tajikistan yahoze ari intara ya Leta Zunze Ubumwe z'Abasoviyeti. Nubwo iki gitero cyigambwe n'umutwe wa Islamic State ndetse na USA ikabyemeza, ariko u Burusiya ntabwo buremeza ko ari uyu mutwe wabikoze, gusa Perezida Vladimir Putin yasezeranyije urupfu kubabikoze.

Abagabo bane bakoze igitero i Moscow bagejejwe mu Rukiko bakubiswe