Iyi kipe yiteguye gutanga miliyoni £120, nyuma yo gutakaza rutahizamu wayo Diogo Jota witabye Imana azize impanuka hamwe na murumuna we.
Ikipe ya Newcastle United igeze kure ibiganiro na Hugo Ekitike wa Eintracht Frankfurt, gusa n'ikipe ya Liverpool yamuvuzweho ibishobora kuba biri gutuma Liverpool igerageza gusinyisha Alexander Isak.
Liverpool iri mu makipe amaze kurekura amafaranga menshi muri iri soko ry'igura n'igurisha ry'abakinnyi yaguze Milos Kerkez kuva mu ikipe ya Bournemouth kuri miliyoni £40, Florian Wirtz wakiniraga Bayer Leverkusen kuri miliyoni £116 ndetse na Jeremie Frimpong wakiniraga Bayer Leverkusen kuri miliyoni £29.5.
Alexander Isak ni umwe muri ba rutahizamu bitwaye neza kuva yagera mu gihugu cy'Ubwongereza, amaze gutsindira Newcastle ibitego 62 mu mikino 109, harimo 27 yatsinze mu mwaka ushize, ubwo bafataga umwanya wa 5 muri Premier League.
Hugo Ekitike wifuzwa cyane na Newcastle United kuri miliyoni £69.5, mu mwaka ushize w'imikino we yatsinze ibitego 15 anatanga imipira 8 yavuyemo ibitego muri shampiyona y'igihugu y'Abadage(Bundesliga).
Alexander Isak yifuzwa cyane na Liverpool nk'umusimbura wa Diogo Jota
Hugo Ekitike wa Eintracht Frankfurt afite amahirwe yo kwerekeza muri Newcastle United
