Ku munsi w’ejo tariki 16 Ukwakira 2022, umukino wa El Classíco wahuje Real Madrid na Fc Barcelona, wasize umuraperi Drake ahombye asaga miliyoni y’amafaranga y’u Rwanda [$800k ] nyuma y’uko uyu muhanzi yari yateze ko Fc Barcelona itsinda Real Madrid nyamara bikarangira itsinzwe 3-1.
Ni umukino Fc Barcelona yari yambaye imipira iriho igihunyira nk’ikirango cya OVO sosiyete y’uyu muhanzi. Fc Barcelona yari yakiriwe i Santiago Bernabeu na Real Madrid, yananiwe kuhikura bituma uyu muhanzi ahomba akabakaba miliyari frw.
Si Fc Barcelona yonyine Drake yari yategeye kuko yari yategeye na Arsenal yo mu Bwongereza gutsinda Leeds ndetse iyi yo byarakunze, Arsenal yatsinze Leeds 1-0.
Kuki Drake yari yategeye Fc Barcelona?
Ibi intandaro yabyo n’uko mu ntangiriro z’uyu mwaka w’imikino wa 2022-2023, Fc Barcelona yasinyanye n’urubuga rucuruza imiziki rwa Spotify kuba umuterankunga mukuru w’iyi kipe ndetse stade y’iyi kipe ikareka kwitwa Camp Nou Stadium ahubwo ikitwa Spotify Camp Nou Stadium.
Ibi ntibyahagarariye aho kuko kuwa 14 Ukwakira 2022 umuhanzi Drake yaciye agahigo ko kuba umuhanzi wa mbere ku Isi ugejeje miliyoni 50 z’abamwumvise kuri uru rubuga rwa Spotify.
Muribuka ko twababwiye ko Spotify ari umuterankunga mukuru wa Fc Barcelona, iyi kipe yahise igenera ishimwe uyu muhanzi ryo kwambara ikirango cya sosiyete ye ku mukino bari bagiye guhura na Real Madrid, ibi byatumye Drake ategera iyi kipe yari igiye kumwamamaza ndetse ashyiraho na Arsenal isanzwe ihagaze neza muri iyi minsi.
N’ubwo Drake yahombye asaga miliyoni 800 frw, abenshi bemeza ko yungutse cyane mu bundi buryo kuko sosiyete ye yamenkwe n’Isi yose cyane uyu mukino kugeza ubu ariwo ukunzwe cyane ku Isi ndetse uba unategerejwe na benshi.
Drake yari yategeye Fc Barcelona gutsinda Real Madrid ariko byabaye iby'ubusa.
