Ku mugoroba wo kuri uyu wa Kane umuraperi Snopp Dogg yatangaje ko yafashe umwanzuro wo kureka kunywa itabi, nyuma y'igihe kirekire azwi nk'umukunzi waryo, dore ko bivugwa ko ashobora kunywa amatabi y'urumogi 150 ku munsi.
Ibi uyu mugabo w'imyaka 52 yabitangaje abinyujije ku rukuta rwe rwa Instagram aho yashyizeho ifoto y'umukara n'umweru, yanditseho amagambo agira ati:"Nyuma y'igenzura n'ibiganiro nagiranye n'umuryango wange, nahisemo kureka kunywa itabi. Ndabinginze mwubahe ubuzima bwite bwange ubu."
Aya magambo ya Snopp Dogg yaciye igikuba mu bakunzi be bitewe n'uko asanzwe azwi. Ni kenshi Snopp yagiye agaragara anywa urumogi ari ku rubyiniro ndetse agashishikariza abafana be kurunywa mu bitaramo bigiye bitandukanye yakoraga.
Uyu mugabo kandi ni kenshi yagiye agaragara mu bikorwa bitandukanye bisa n'ibikwirakwiza imyumvire yo kunywa urumogi, harimo nk'ibiganiro bigaruka ku makuru yarwo ndetse n'ibindi bikorwa ariko bifite aho bihuriye n'itabi by'umwihariko urumogi.
Snopp Dogg yatangaje ko yaretse kunywa itabi
