Umunyarwenya Trevor Noah ukomoka muri Africa y’epfo ariko utuye muri Leta Zunze Ubumwe za America ndetse uherutse gusezera mu kiganiro The Daily Show yari amaze imyaka irindwi akora, agiye kuyobora umuhango wo gutanga ibi bihembo bikomeye ku Isi ku nshuro ya Gatatu yikurikiranya biteganyijwe kuwa 05 Gashyantare 2023.
View this post on Instagram
Uyu musore w’imyaka 38 abinyujije ku mbuga nkoranyambaga ze, yatangaje ko ari amahirwe kuba yongeye kugirirwa ikizere cyo kuyobora umuhango wo gutanga ibihembo bikomeye ku Isi bya Grammy Awards, ibintu agiye gukora ubugira gatatu.
Trevor Noah yayoboye umuhango wo gutanga Grammy awards muri 2021, 2022 ndetse n’umwaka utaha wa 2023 yitegura kuyobora, uyu musore kandi yari yasimbuye umuhanzikazi Alicia Keys wari wabiyoboye imyaka ibiri 2019 na 2020.
Trevor Noah ni umunya Africa y'epfo ndetse watangiriye umwuga w'urwenya no kuyobora ibitaramo muri iki gihugu ariko kuri ubu ni umwe mu bikomerezwa ku Isi.
Kuwa 09 Ukuboza 2022 nibwo uyu musore yasezeye mu kiganiro “The Daily Show” yari amaze imyaka irindwi akora, mu gusezera yafashe umwanya ashimira abagore b’abirabura bamubaye hafi umunsi ku munsi.
Soma inkuru bifitanye isano.
https://thechoicelive.com/trevor-noah-yasezeye-ku-bakunzi-be-ashimira-abagore-babirabura
