Ejo hashoze ni bwo uyu musaza yagiriye ikibazo gikomeye aho yari yicaye mu gace ko hejuru mu Burasirazuba bw'ikibuga cya Brighton, Amex Stadium, ari na ho yaguye nyuma y'uko ahawe imiti ariko amahirwe yo gukira akaba iyanga.
Ubuvuzi bw'ibanze bwakozwe n'abaganga b'iyi kipe bari bari ku kibuga n'inzego z'ubuyobozi z'iyi kipe zigerageza gukora ibishoboka byose ariko birangira bibaye iby'ubusa uyu musaza agwa muri uyu mukino warangiye izi kipe zombi zinganyije igitego 1 kuri 1.
Umuyobozi mukuru w'ikipe ya Brighton, Paul Barber, yababajwe n'urupfu rw'uyu mufana muri uyu mukino ndetse, ku bw'ikipe ye, anihanganisha inshuti n'umuryango babuze umuntu wabo ngo wazize amarangamutima menshi muri uyu mukino. Yanavuze ko mu minsi iri imbere bazafasha abazagirwaho ungaruka n'urupfu rw'uyu mufana.
