UEFA champions league: Liverpool na Bayern Munich zageze muri kimwe cya kane

UEFA champions league: Liverpool na Bayern Munich zageze muri kimwe cya kane

 Mar 9, 2022 - 00:50

Kuri uyu wa kabiri nibwo hakinwaga imikino yo kwishyura ya kimwe cya munani cya UEFA champions league, aho Liverpool na Bayern Munich zakomeje.

Mu ijoro ryo kuri uyu wa kabiri nibwo hatangiye gukinwa imikino yo kwishyura ya kimwe cya munani cya UEFA champions league, ahakinwe imikino ibiri.

Liverpool yari yakiriye ikipe ya Inter.Milan i Anfield mu Bwongereza, mu gihe Bayern Munich yari yakiriye RedBull Salzburg ku kibuga Arianza Arena mu Budage.

Umukino ubanza ikipe ya Bayern Munich yari yanganyije na RB Salzburg igitego 1-1, ndetse wari umwanya wo gushaka ikipe itsinda indi igakomeza kuko iby'igitego cyo hanze UEFA yabikuyeho muri uyu mwaka w'imikino.

Bayern Munich ntabwo yagowe n'uyu mukino habe na gato  kuko yabashije gutsinda ibitego birindwi byose, kuri kimwe cya RB Salzburg. Ibitego bya Bayern Munich byatsinzwe na Robert Lewandowski watsinze ibitego bitatu bya mbere, Thomas Muller atsinda bibiri, Serge Gnabry atsinda kimwe ndetse na Leroy Sane atsinda kimwe.

Ni mu gihe kandi igitego kimwe cya RedBul Salzburg cyatsinzwe na Maurits Kjaergaard, ku mupira yari ahawe na Brenden Aaronson ku munota wa 70 w'umukino.

Aha ikipe ya Bayern Munich yahise ikomeza muri kimwe cya kane itsinze RedBul Salzburg ku giteranyo cy'ibitego 8-2.

Undi mukino wabaga warangiye ikipe ya Liverpool itsinzwe igitego kimwe na Inter.Milan ariko kuko mu mukino ubanza Inter.Milan yari yatsinzwe ibitego 2-0, ibi byatumye Liverpool ariyo ikomeza mu mikino ya kimwe cya kane ku giteranyo cy'ibitego 2-1.

Kuri uyu wa gatatu hateganyijwe indi mikino ibiri aho Real Madrid yatsinzwe igitego kimwe mu mukino ubanza iza kwakira PSG, Naho Manchester City yatsinze ibitego bitanu mu mukino ubanza iraza kuba yakira Sporting CP.

Bayern Munich yanyagiye RB Salzburg(Net-photo)

Liverpool yasezereye Inter.Milan(Net-photo)