Alfonso Davies abaye umukinnyi wa kabiri wa Bayern Munich ugize ikibazo cy'umutima mu mezi 12 aheruka, nyuma y'uko Kingsley Coman yari yabazwe mu Ugushyingo.
Umutoza wa Bayern Munich witwa Julian Negelsmann yemeje ko uyu Davies Alfonso atazaba ahari mu byumweru bitaha kuko afite ikibazo cy'umutima aho yagize ikibazo cy'indwara ya myocarditis itera gushya kw'iminsi y'umutima.
Uyu munya-Canada w'imyaka 24 afite ibibazo ku mutima ariyo ndwara bita myocarditis akaba yarabigize nyuma y'uko yari yanduye Covid-19 guhera mu ntangiro za Mutarama uyu mwaka.
Ngelsmann yagize ati:"Mu bizamini dukorera buri mukinnyi wese wari urwaye Covid-19, twabonye ibimenyetso bya myocarditis kuri Alfonso Davies.
"Ubu yahagaritse imyitozo, ku bw'ibyo ntazagaragara mu kibuga mu byumweru biri imbere."
Kugeza ubu ntiharamenyekana igihe cya nyacyo Alfonso Davies azamara adakina ariko ikizere kirahari ko azagaruka mu kibuga akongera gukina nk'ibisanzwe.
Uyu musore ni umwe mu bakinnyi ngenderwaho ba Bayern Munich dore ko yasibye imikino ibiri gusa ya Bundesliga muri uyu mwaka w'imikino ndetse agafasha iyi kipe kuba iyoboye urutonde rwa shampiyona irusha amanota atandatu iya kabiri.
Alfonso Davies yinjiye muri Bayern Munich mu 2018 ubwo yari umukinnyi ukina imbere ku ruhande, ariko yaje guhindurwamo umukinnyi udasanzwe ukina inyuma ku ruhande rw'ibumoso.
Uyu musore afatwa nk'umwe mu bakinnyi beza bo ku mpande inyuma dore ko yatwaye ibikombe bitandukanye muri Bayern Munich ndetse harimo na UEFA Champions league.
Mu 2020 Rio Ferdinand yagize ati:"Niwe mukinnyi mwiza cyane ukina inyuma ku ruhande uri ku mugabane kuri uyu munota.
Alfonso Davies yahagaritse imyitozo kubera umutima(Image:Afroballers)
Alfonso yafashije Bayern Munich gutwara Champions league(Image:Sportsnet)
