Ikipe ya Rayon Sports yamaze kohereza ubusabe bwayo isaba gukina umukino wa gicuti na Académie Le Messager Ngozi yo mu Burundi ku wa 26 Werurwe 2022.
Ni ibaruwa yanditswe kuri uyu wa mbere tariki 07 Werurwe 2022, aho Rayon Sports yifuza ko uyu mukino wazaba tariki 26 Werurwe 2022 ukabera kuri sitade ya Kigali i Nyamirambo.
Rayon Sports yasabye uyu mukino wa gicuti kuko nyuma yo gukina na Kiyovu Sports tariki ya 19 Werurwe 2022, amakipe azafata ikiruhuko cy’imikino mpuzamahanga ku makipe y’ibihugu.
Rayon Sports yasabye uyu mukino wa gicuti kuko nyuma yo gukina na Kiyovu Sports tariki ya 19 Werurwe 2022, amakipe azafata ikiruhuko cy’imikino mpuzamahanga ku makipe y’ibihugu.
Muri icyo kiruhuko ni bwo hazakinwa ijonjora rya mbere ry’Igikombe cy’Amahoro, ariko yo ntizarigaragaramo.
N'ubwo ikipe ya LeMessager de Ngozi itarasubiza, muri Rayon Sports ikizere ni cyose kuko bizeye ko uyu mukino uzaba nta kabuza.
Kuri ubu, Rayon Sports iri ku mwanya wa kane n’amanota 34 mu mikino 20 imaze gukinwa muri Shampiyona y’u Rwanda ariko amahirwe yo kwegukana igikombe ni mbarwa kuko irushwa amanota 10 n’amakipe ayoboye urutonde.
Rayon Sports yasabye gukina na Le Messager de Ngozi(Net-photo)
