Mu itangazo ryatanzwe ku wa 27 Nyakanga, Trump yavuze ko ayo mafaranga yishyuwe nk’inkunga yo kwamamaza Kamala Harris wari uhagarariye ishyaka rya Democratic. Avuga ko hari amafaranga agera ku 165,000 yoherejwe kuri konti ya sosiyete ya Beyoncé ikora ibijyanye na muzika, agaragazwa nk’umusanzu wemewe. Gusa ngo hari amakuru y’uko andi asigaye yatanzwe mu buryo butemewe.
Trump yakomeje avuga ko ari gushaka ibimenyetso by’uko ayo mafaranga yaba yaratanzwe mu buryo bunyuranyije n’amategeko, agasaba ko Kamala Harris n’abandi bose baba baragize uruhare mu kwakira ayo mafaranga no kuyatanga bakurikiranwa n’ubutabera.
Ibi bivugwa mu gihe hari hashize igihe havugwa amakuru mu bitangazamakuru byo muri Amerika ko Beyoncé yaba yarishyuwe akayabo mu bikorwa byo kwamamaza Kamala Harris, ariko nta bimenyetso bifatika byari byaragaragajwe kugeza ubu.
Kugeza ubu Beyoncé cyangwa itsinda rimuhagarariye ntibaragira icyo batangaza kuri aya makuru mashya. Ku ruhande rw’ishyaka rya Democratic n’uruhande rwa Kamala Harris, na bo nta kindi kidasanzwe baratangaza.
Trump arashinja Harris guha Beyoncé amafaranga mu buryo butemewe n'amategeko
Kamala Harris yavuze ko nta muhanzi yigeze aha amafaranga ngo amwamamaze
