Mu birori bya Ballon d'Or byabereye i Paris mu Bufaransa kuri uyu wa Mbere tariki 17 Ukwakira 2022, nibwo byemejwe ko umufaransa akaba rutahozamu wa Real Madrid witwa Karim Benzema ariwe wegukanye Ballon d'Or ya 2022.
Karim Benzema yagize umwaka w'imikino mwiza cyane afasha Real Madrid kwegukana igikombe cya shampiyona muri La liga, ndetse na UEFA Champions league yandagaje amakipe akomeye arimo PSG, Chelsea, Manchester City na Liverpool batsinze ku mukino wa nyuma.
Benzema yegukanye Ballon d'Or 2022
Karim Benzema yakiniye Real Madrid imikino 46 mu mwaka w'imikino ushize atsindamo ibitego 45.
Karim Benzema yabaye uwa mbere, Sadio Mane wa Bayern Munich aba uwa kabiri, Kevin De Bruyne wa Manchester City aba uwa gatatu, Robert Lewandowski wa FC Barcelona aba uwa kane.
Zidane niwe wahereje Benzema Ballon d'Or
Benzema yagize umwaka udasanzwe
