Umusore witwa Brek Shea ukinira Inter.Miami itozwa na Phil Neville, yaje gutangaza abantu afata inzoka n'intoki ubwo bari mu myitozo muri Fort Lauderdale.
Videwo yashyizwe kuri twitter y'ikipe ya Inter.Miami igaragaza umukinnyi wayo witwa Brek Shea afata inzoka n'intoki ubwo yari itangiye kumwizingira ku maguru ariko bigaragara ko nta kibazo bimuteye.
Akimara kuyifata mu buryo butuje nk'aho nta cyabaye, uyu musore yahise ayishyira ahagenewe gushyirwa imyanda mbere y'uko abashinzwe gukora amasuku bayijyana.
Brek Shea yatangaje ko impamvu nta bwoba yagize bwo gufata iyo nzoka aruko ngo yakuranye n'inzoka n'imiserebanya.
Brek Shea aganira na Miami Herald yagize ati:"Nakuze mfitanye ubucuti n'inzoka, imiserebanya, buri kintu, ndabikunda.
"Abantu benshi barazitinya ariko ni nziza cyane. Bavugaga ngo 'reba, hari inzoka, kandi nashakaga kuyibona."
Brek Shea ni umukinnyi wa Inter.Miami, ikipe ya David Bekham ndetse mu mpera z'umwaka w'imikino ushize iyi kipe yari yarekuye Shea ariko yongera kumusinyisha mu minsi ishize.
Brek Shea kandi avuga ko yashimishijwe bikomeye cyane no kuba yarongeye kugaruka mu ikipe ya Inter.Miami muri uyu mwaka w'imikino.
Shea yafashe inzoka yari itangiye kumwizingiraho(Image:The sun)
Bantu batunguwe n'ukuntu Shea yayifashe nta bwoba(Net-photo)
