Aya ni amakipe akomeye kuko Liverpool ifite ibikombe 19 bya Premier League ya Shampiyona y’abongereza. Ikaba ikurikira Manchester United ifite 20 naho Manchester City yo ikaba ifite ibi bikombe inshuro 7. Aya makipe yombi amaze guhura inshuro 185 muri izo inshuro Liverpool yatsinzemo inshuro 88 banganya 49 naho Manchester City itsinda inshuro 48.
Instinzi zikomeye zabaye muri uyu mukino ni igihe Liverpool yatsinze Man city 6-0 hari ku itariki 28 ukwakira mu 1995. Naho ku itariki 11 Nzeri mu 1935 Man city yatsinze Liverpool 6-0. Mu 1930 Liverpool yatsinze Manchester City 7-1. Umukino wabonetsemo ibitego byinshi ni uwabaye mu 1981-1982 ikipe zombi zanganyije 5-5. Mu 1995-1996 amakipe yombi yanganyije 6-6.
Usibye aya makipe yarahanganye kuva kera kandi, uyu mukino ukomezwa no kuba ubu uhuriyemo abatoza 2 bari mu bakomeye kurusha abandi Pep Guardiola na Jürgen Klopp.
Pep Guardiola amaze gutwara Premier League inshuro 3 ari muri Manchester City naho Jürgen Klopp amaze gutwara Premier League Inshuro 1. Aba batoza bombi bamaze guhura imikino 21 yose bahuriyemo Jürgen Klopp amaze gutsinda inshuro 9 naho Pep Guardiola amaze gutsinda inshuro 9 bamaze kunganya inshuro 3.
Uyu mukino ikindi kiwukomeza ni uko Liverpool isabwa kuwutsinda kugirango ifate umwanya wa mbere. Irushwa na Chelsea amanota 2 kuko ifite amanota 14. Man City ikeneye gutsinda kugirango yegere ikipe zimuri imbere nka Manchester United, Liverpool na Chelsea zisa nkaho zihanganiye igikombe kuko ubu iri kumwanya wa 6 n’amanota13.
Imikino iheruka kubahuza
2/Nyakanga 2020 Man city 4-0 Liverpool
8 Ugushyingu 2020 Man city 1-1 Liverpool
7 Gashyantare 2021 Liverpool 1-4 Man city
Liverpool idakunze gutakaza imikino yabereye mu rugo (Anfield) irahura na Manchester City ifite akanyamuneza nyuma yo gutsinda Chelsea igitego 1-0.
uyu mukino utegerejwe kuri icyi cy’umweru saa 16:00
