Menya byinshi kuri Super Ballon d'Or igiye guca impaka hagati ya Cristiano na Messi

Menya byinshi kuri Super Ballon d'Or igiye guca impaka hagati ya Cristiano na Messi

Twagirumukiza janvier Twagirumukiza janvier  Jun 13, 2025 - 09:42

Ikinyamakuru 'France Football' cyo mu gihugu cy'Ubufaransa gitegura ibirori bitangirwamo igihembo cya Ballon d'Or ku mukinnyi uba waritwaye neza ku Isi mu gihe kingana n'umwaka w'imikino, giherutse kugaragaza ko gishobora kongera gutanga igihembo cya Super Ballon d'Or kimaze gutangwa inshuro imwe mu mateka.

Ballon d'Or isanzwe yatangiye gutangwa mu 1956, mu gihe iyi y'ikirenga yiswe  'Super Ballon d'Or' imaze gutangwa inshuro imwe mu 1989 yahawe umunyabigwi wa Real Madrid, Alfredo Di Stefano ahigitse Michel Platini, Johan Cruyff na Franz Beckenbauer.

Ibinyujije ku rukuta rwa X, nibwo Ballon d'Or yaciye amarenga ko Super Ballon d'Or igiye gutangwa vuba, ikaba isanzwe itangwa harebwe ku bitwaye neza mu binyacumi bitatu, ubwo ni ukuvuga imyaka  30.

https://x.com/ballondor/status/1932824792593281099?t=za35iU2mKVYCVf1MWD-TWA&s=19

Ibi bikimara kujya hanze benshi batangiye kwibaza uzayegukana hagati ya Cristiano Ronaldo na Lionnel Messi cyane ko mu myaka 30 ishize bari mu bitwaye neza. Messi yegukanye Ballon d'Or umunani, mu gihe Cristiano Ronaldo we yegukanye eshanu.

Gusa icyo kwitondera kuri iyi Super Ballon d'Or  ni uko itangwa yahawe Alfredo Di Stefano kandi mu myaka ye yari yaregukanye Ballon d'Or ebyiri (1957, 1959), nyuma ya Johan Cruyff wari waregukanye eshatu (1971, 1973, 1974).

Iyi Super Ballon d'Or nta gihindutse izatangwa mu mwaka wa 2029, gusa benshi barasaba ko yazanwa vuba aha ikaba ifite agaciro £187,500 mu gihe isanzwe ifite agaciro €3,000.