Menya abahanzi bateganya gushyira hanze imizingo (album) muri uyu mwaka

Menya abahanzi bateganya gushyira hanze imizingo (album) muri uyu mwaka

Date: Aug 20, 2021 - 09:08


Ubucuruzi bwa album si ikintu kimenyerewe mu muziki wo mu Rwanda kuko ababanje kubikora babikoreye kubikunda. Habayeho abahanzi basohoraga imizingo mu rwego rwo gushimisha abakunzi babo nyamara muri iyi minsi bisigaye byarahindutse ubucuruzi bwinjiriza nyirabwo. Iyi nkuru iragaruka ku rugendo rwo gusohora album mu muziki wo hambere, abahanzi bamaze gushyira hanze imizingo muri uyu mwaka wa 2021 yanakiriwe neza ku isoko barimo Butera Knowless, abategerejwe mu minsi ya vuba barimo King James, Bruce Melodie ndetse n'abakivifite mu mishinga barimo The Ben.

Nta myaka myinshi ishize mu muziki Nyarwanda aho ntawatinyukaga kuvuga ko yakora Album igacuruza uretse ko n’indirimbo imwe byabaga bigoye kugira ngo ibyare umusaruro ungana n’igishoro.

 Abatunganya umuziki bari bake mu gihugu. Abatunganyaga amashusho y’indirimbo babarirwaga ku ntoki ndetse amikoro y’abahanzi yari make ku kigero cyo hejuru ku buryo kugirango umuziki wicyo gihe ubyare umusaruro byabaga ari kumena amaraso n’icyuya.

 Benshi bakavuga ko nta bashoramari bari bariho ngo umuziki utere imbere , abandi bati itangazamkuru nta mwanya ryahaga umuziki nyarwanda, naho abandi bakavuga ko abahanzi b’abanyamahanga bakoraga umuziki uri ku rwego rwo hejuru bigatuma nta musaruro uva mu muziki wacu.

 Ku rundi ruhande hari abahanzi bari barigaruriye imitima ya benshi harimo itsinda rya Tuff Gangs (TG) ryari ririmo abahanzi nka P Fla , Jay Polly , Bull Dog , Green P na Fireman basohoraga indirimbo umunsi ku munsi , Riderman , Meddy , Tom Close , The Ben n’abandi benshi.

 Gusohora indirimbo nyinshi icyarimwe ntibyari bimenyerewe kandi byari bigoye ugendeye ku bushobozi ndetse n’imyumvire. Mu 2003 umuhanzikazi Victoire utuye muri Canada yamuritse umuzingo. Ibirori byabereye kuri centre culturel mu Kiyovu mu karere ka Nyarugenge kuri ambasade y’Abafaransa. Tom Close ari mu bahanzi bo mu kiragano gishya wamuritse umuzingo abifashijwe na Alex Muyoboke wari umujyanama we mu 2008. Riderman mu yasohoye iyitwa Rutenderi mu 2009 yari iriho indirimbo 13. Ibi byaje no kumuhesha igihembo cya album nziza y’umwaka muri Salax Awards mu 2010. Kuva icyo gihe abahanzi bagiye basohora albums buri mwaka. Itsinda rya Dream boys ryigeze kumurika albums ebyiri mu mwaka umwe. Abakurikiye umuziki bahamya ko abahanzi babikoraga ari ukubikunda kuko byari bitaraba ubucuruzi.

 Mu ziheruka kujya hanze harimo nka InzOra ya Butera Knowless iriho indirimbo 11 za Audio na Video ebyiri , Iyi album iriho abahanzi bakomeye mu muziki Nyarwanda nka Social Mula ,  Nel Ngabo , Igor Mabano , Navio (Uganda ) , Aline Gahongayire , Ykee Benda (Uganda ) , Platini P na King James.

Kivumbi King umwe mu bagezweho muri iyi minsi mu njyana ya hip hop mu gace kayo kitwa “Drill” yasohoye album yiswe DID iriho Indirimbo 9 hakaba hariho abahanzi nka Bushali , Nutty Neithan ( Uganda ) , Ish Kevin na Mike Kayihura.

Ange Rita  Kagaju ubarizwa mu nzu itunganya umuziki yitwa Ida Records yasohoye “Sweet Thunder” iriho indirimbo 18 ikaba iriho abahanzi nka B-Threy , Kivumbi King , Kenny Sol , Mazimpaka Prime, Andy Bumuntu n’abandi benshi .

Izitegerejwe gusohoka

 Ku rundi ruhande hari ibyamamare mu muziki Nyarwanda biteganyije gusohora album mu minsi ijyiye kuza. 

Bruce Melodie

Yegukanye igihembo cyo mu cyiciro cy'umuhanzi w'umwaka (The Choice Male artist of the year)

ni we wabanjirije uru rutonde aho mbere yo gusohora indirimbo ye iheruka “Katapilla” yabanje kwemeza ko Album ye iri hafi kurangira aho bikekwa ko hariho abahanzi mpuzamahanga nka Fireboy DML ( Nigeria ) aherutse kwakira akamutembereza igihugu. Icyakora ntarasohora izina rya Album cyangwa se umubare w’indirimbo zizaba ziyiriho nubwo yamaze kwemeza ko ihari.

 Bull Dog yavuze ko Album ye yise Kemotherapy iri mu nzira. Hariho abahanzi nka B-Threy banaherutse gukorana indirimbo yiswe “Mood”, izumvikanaho P Fla , Green P, Fireman , Bushali n’abandi benshi.

King James

Uyu muhanzi yateguje album nshya yise”Ubushobozi”. Izasohoka ku ya 10 Ukwakira mu 2021.

Riderman

Uyu muhanzi uherutse kwibaruka impanga na we ari gutegura album yise’’Kimirantare” ariko ntiyigeze asobanura igihe izagira hanze. Ubundi yari kuyirekura ku ya 25 Ukuboza mu 2019 ariko ntiyasohotse. Izaba ari iya cyenda asohoye kuko afite album zirindwi na Mixtape yise "Filime" ndetse akaba ashimangira ko ari we ukwiriye ikamba rya Hip Hop mu Rwanda. Yatangiriye kuri "Rutenderi" (2008), ‘Impinduramatwara’ (2010), ‘Igicaniro’ (2011), ‘Kwibambura’ (2013), ‘Igikona’ (2014),  ‘Drame’(2015) n’ Ukuri’ yo mu 2016. 

Fatakumavuta

Umunyamakuru Sengabo Jean Bosco wiyise Fatakumavuta aherutse kubwira Thechoicelive ko yasoje gutunganya album yise’’Fatalogy” igihe cyose azayirekura.

The Ben

The Ben nawe ni umwe mu bahanzi basa nkaho batagisohora indirimbo cyane nkuko imibare ibigaragaza  kuko aheruka gusohora indirimbo yitwa “Kora” yasohoye mu kwezi kwa munani umwaka ushize. Ibi yabigarutseho ubwo yasabaga abakunzi be imbabazi ku rubuga rwa Facebook rwo kuba atabaha indirimbo , nyamara yavuze ko yari gutegura album ye nshya .

Ibi benshi mu kwibaza niba ibyo yatangaje mu kiganiro kuri Radio yitwa TransAfrica ikorera muri Africa Yepfo mu 2017 ubwo yavugaga ko ashobora gukorana indirimbo na Tekno ( Nigeria ) , Tiwa Savage n’abandi benshi bafite amazina azwi mu muziki w’Afurika. Nyamara mu mafoto yashyize ku rubuga rwa Facebook agaragaramo Ben Pol na Juma Jux Bombi bo muri Tanzania na Otile Brown wo muri Kenya bigeze no gukorana indirimbo bise Can’t Get enough mu 2019 , gusa ntawuzi neza abahanzi cyangwa se indirimbo ziri kuri iyi album The Ben ari gutegura.

Sintex

  Kuri urutonde hagaragaraho Umuhanzi Sintex ubarizwa mu nzu ifasha abahanzi ya murumuna we yitwa Arthur Nation. Nawe mu minsi ishize nibwo yatangaje ko album ye ijyiye kurangira nyamara ntiyavuga umubare w’indirimbo ziri kuri iyi album n’umubare w’abahanzi bazaba bariho gusa yahamije  ko yafatanyije n’abahanzi bo mu Rwanda no muri East Africa.

Davis D

Davis D amaze igihe asohora indirimbo zigize “Afrokiller” atigeze avuga igihe izagira hanze.

Papa Cyangwe

Uyu uri mu bari kwitwara neza muri iyi  minsi abikesha gukorana na Rocky, akunze gusohora indirimbo zigize album yise’’Sazafrika” nubwo atajya avuga igihe izasohokera.

Juno Kizigenza

Uyu muhanzi ugezweho ari gutunganya EP (Extended play) ku buryo isa n’isaha yayisohora. Mu bihembo bya The Choice Awards yegukanye icy'umuhanzi mushya witwaye neza.

Urutonde ni rurerure ariko aba ni bamwe mu bo twakusanyije, utibona ntangirengo ibikorwa bye ntibizirikanwa ahubwo abari gutunga imizingo bose ntibaza mu nkuru imwe.  Hari abahanzi barimo Phil Peter, Yvan Buravan, Nel Ngabo, Passy Kizito, Marina Deborah bari gukora kuri album ariko bitazwi neza igihe zizasohokera. Jay Polly yafunzwe yari amaze umwaka ategura album yari kuba yarasohoye muri uyu mwaka ariko buriya aho azafungurirwa azayirekura.

Umwanditsi: Danny Rurema

Mbarubukeye Etienne Peacemaker is a professional Journalist who holds bachelor degree in Journalism and Communication from University of Rwanda since 2015-2019. He has different certificates of professional media trainings. He worked in different radio stations and televisions operates in Rwanda. He is the social media promoter. He is the Sunday Choice/ The Choice Live content creator. He is the official Rwandan showbiz analyst who uses facts and figures. In Our digital Era a person with innovative and creative mind will succeed! Contact me via Instagram:pundit250 , Email:indebakure2020@gmail.com, call: +250786126175 (WhatsApp.). Chief Editor at thechoicelive.com, social media content creator, Multimedia Editor. I am good at English, French, Swahili and Kinyarwanda. I Live in Kigali Rwanda. “The limits of my language means the limits of my world. Ludwig Wittgenstein
 
Menya abahanzi bateganya gushyira hanze imizingo (album) muri uyu mwaka

Menya abahanzi bateganya gushyira hanze imizingo (album) muri uyu mwaka


Ubucuruzi bwa album si ikintu kimenyerewe mu muziki wo mu Rwanda kuko ababanje kubikora babikoreye kubikunda. Habayeho abahanzi basohoraga imizingo mu rwego rwo gushimisha abakunzi babo nyamara muri iyi minsi bisigaye byarahindutse ubucuruzi bwinjiriza nyirabwo. Iyi nkuru iragaruka ku rugendo rwo gusohora album mu muziki wo hambere, abahanzi bamaze gushyira hanze imizingo muri uyu mwaka wa 2021 yanakiriwe neza ku isoko barimo Butera Knowless, abategerejwe mu minsi ya vuba barimo King James, Bruce Melodie ndetse n'abakivifite mu mishinga barimo The Ben.

Nta myaka myinshi ishize mu muziki Nyarwanda aho ntawatinyukaga kuvuga ko yakora Album igacuruza uretse ko n’indirimbo imwe byabaga bigoye kugira ngo ibyare umusaruro ungana n’igishoro.

 Abatunganya umuziki bari bake mu gihugu. Abatunganyaga amashusho y’indirimbo babarirwaga ku ntoki ndetse amikoro y’abahanzi yari make ku kigero cyo hejuru ku buryo kugirango umuziki wicyo gihe ubyare umusaruro byabaga ari kumena amaraso n’icyuya.

 Benshi bakavuga ko nta bashoramari bari bariho ngo umuziki utere imbere , abandi bati itangazamkuru nta mwanya ryahaga umuziki nyarwanda, naho abandi bakavuga ko abahanzi b’abanyamahanga bakoraga umuziki uri ku rwego rwo hejuru bigatuma nta musaruro uva mu muziki wacu.

 Ku rundi ruhande hari abahanzi bari barigaruriye imitima ya benshi harimo itsinda rya Tuff Gangs (TG) ryari ririmo abahanzi nka P Fla , Jay Polly , Bull Dog , Green P na Fireman basohoraga indirimbo umunsi ku munsi , Riderman , Meddy , Tom Close , The Ben n’abandi benshi.

 Gusohora indirimbo nyinshi icyarimwe ntibyari bimenyerewe kandi byari bigoye ugendeye ku bushobozi ndetse n’imyumvire. Mu 2003 umuhanzikazi Victoire utuye muri Canada yamuritse umuzingo. Ibirori byabereye kuri centre culturel mu Kiyovu mu karere ka Nyarugenge kuri ambasade y’Abafaransa. Tom Close ari mu bahanzi bo mu kiragano gishya wamuritse umuzingo abifashijwe na Alex Muyoboke wari umujyanama we mu 2008. Riderman mu yasohoye iyitwa Rutenderi mu 2009 yari iriho indirimbo 13. Ibi byaje no kumuhesha igihembo cya album nziza y’umwaka muri Salax Awards mu 2010. Kuva icyo gihe abahanzi bagiye basohora albums buri mwaka. Itsinda rya Dream boys ryigeze kumurika albums ebyiri mu mwaka umwe. Abakurikiye umuziki bahamya ko abahanzi babikoraga ari ukubikunda kuko byari bitaraba ubucuruzi.

 Mu ziheruka kujya hanze harimo nka InzOra ya Butera Knowless iriho indirimbo 11 za Audio na Video ebyiri , Iyi album iriho abahanzi bakomeye mu muziki Nyarwanda nka Social Mula ,  Nel Ngabo , Igor Mabano , Navio (Uganda ) , Aline Gahongayire , Ykee Benda (Uganda ) , Platini P na King James.

Kivumbi King umwe mu bagezweho muri iyi minsi mu njyana ya hip hop mu gace kayo kitwa “Drill” yasohoye album yiswe DID iriho Indirimbo 9 hakaba hariho abahanzi nka Bushali , Nutty Neithan ( Uganda ) , Ish Kevin na Mike Kayihura.

Ange Rita  Kagaju ubarizwa mu nzu itunganya umuziki yitwa Ida Records yasohoye “Sweet Thunder” iriho indirimbo 18 ikaba iriho abahanzi nka B-Threy , Kivumbi King , Kenny Sol , Mazimpaka Prime, Andy Bumuntu n’abandi benshi .

Izitegerejwe gusohoka

 Ku rundi ruhande hari ibyamamare mu muziki Nyarwanda biteganyije gusohora album mu minsi ijyiye kuza. 

Bruce Melodie

Yegukanye igihembo cyo mu cyiciro cy'umuhanzi w'umwaka (The Choice Male artist of the year)

ni we wabanjirije uru rutonde aho mbere yo gusohora indirimbo ye iheruka “Katapilla” yabanje kwemeza ko Album ye iri hafi kurangira aho bikekwa ko hariho abahanzi mpuzamahanga nka Fireboy DML ( Nigeria ) aherutse kwakira akamutembereza igihugu. Icyakora ntarasohora izina rya Album cyangwa se umubare w’indirimbo zizaba ziyiriho nubwo yamaze kwemeza ko ihari.

 Bull Dog yavuze ko Album ye yise Kemotherapy iri mu nzira. Hariho abahanzi nka B-Threy banaherutse gukorana indirimbo yiswe “Mood”, izumvikanaho P Fla , Green P, Fireman , Bushali n’abandi benshi.

King James

Uyu muhanzi yateguje album nshya yise”Ubushobozi”. Izasohoka ku ya 10 Ukwakira mu 2021.

Riderman

Uyu muhanzi uherutse kwibaruka impanga na we ari gutegura album yise’’Kimirantare” ariko ntiyigeze asobanura igihe izagira hanze. Ubundi yari kuyirekura ku ya 25 Ukuboza mu 2019 ariko ntiyasohotse. Izaba ari iya cyenda asohoye kuko afite album zirindwi na Mixtape yise "Filime" ndetse akaba ashimangira ko ari we ukwiriye ikamba rya Hip Hop mu Rwanda. Yatangiriye kuri "Rutenderi" (2008), ‘Impinduramatwara’ (2010), ‘Igicaniro’ (2011), ‘Kwibambura’ (2013), ‘Igikona’ (2014),  ‘Drame’(2015) n’ Ukuri’ yo mu 2016. 

Fatakumavuta

Umunyamakuru Sengabo Jean Bosco wiyise Fatakumavuta aherutse kubwira Thechoicelive ko yasoje gutunganya album yise’’Fatalogy” igihe cyose azayirekura.

The Ben

The Ben nawe ni umwe mu bahanzi basa nkaho batagisohora indirimbo cyane nkuko imibare ibigaragaza  kuko aheruka gusohora indirimbo yitwa “Kora” yasohoye mu kwezi kwa munani umwaka ushize. Ibi yabigarutseho ubwo yasabaga abakunzi be imbabazi ku rubuga rwa Facebook rwo kuba atabaha indirimbo , nyamara yavuze ko yari gutegura album ye nshya .

Ibi benshi mu kwibaza niba ibyo yatangaje mu kiganiro kuri Radio yitwa TransAfrica ikorera muri Africa Yepfo mu 2017 ubwo yavugaga ko ashobora gukorana indirimbo na Tekno ( Nigeria ) , Tiwa Savage n’abandi benshi bafite amazina azwi mu muziki w’Afurika. Nyamara mu mafoto yashyize ku rubuga rwa Facebook agaragaramo Ben Pol na Juma Jux Bombi bo muri Tanzania na Otile Brown wo muri Kenya bigeze no gukorana indirimbo bise Can’t Get enough mu 2019 , gusa ntawuzi neza abahanzi cyangwa se indirimbo ziri kuri iyi album The Ben ari gutegura.

Sintex

  Kuri urutonde hagaragaraho Umuhanzi Sintex ubarizwa mu nzu ifasha abahanzi ya murumuna we yitwa Arthur Nation. Nawe mu minsi ishize nibwo yatangaje ko album ye ijyiye kurangira nyamara ntiyavuga umubare w’indirimbo ziri kuri iyi album n’umubare w’abahanzi bazaba bariho gusa yahamije  ko yafatanyije n’abahanzi bo mu Rwanda no muri East Africa.

Davis D

Davis D amaze igihe asohora indirimbo zigize “Afrokiller” atigeze avuga igihe izagira hanze.

Papa Cyangwe

Uyu uri mu bari kwitwara neza muri iyi  minsi abikesha gukorana na Rocky, akunze gusohora indirimbo zigize album yise’’Sazafrika” nubwo atajya avuga igihe izasohokera.

Juno Kizigenza

Uyu muhanzi ugezweho ari gutunganya EP (Extended play) ku buryo isa n’isaha yayisohora. Mu bihembo bya The Choice Awards yegukanye icy'umuhanzi mushya witwaye neza.

Urutonde ni rurerure ariko aba ni bamwe mu bo twakusanyije, utibona ntangirengo ibikorwa bye ntibizirikanwa ahubwo abari gutunga imizingo bose ntibaza mu nkuru imwe.  Hari abahanzi barimo Phil Peter, Yvan Buravan, Nel Ngabo, Passy Kizito, Marina Deborah bari gukora kuri album ariko bitazwi neza igihe zizasohokera. Jay Polly yafunzwe yari amaze umwaka ategura album yari kuba yarasohoye muri uyu mwaka ariko buriya aho azafungurirwa azayirekura.

Umwanditsi: Danny Rurema

Mbarubukeye Etienne Peacemaker is a professional Journalist who holds bachelor degree in Journalism and Communication from University of Rwanda since 2015-2019. He has different certificates of professional media trainings. He worked in different radio stations and televisions operates in Rwanda. He is the social media promoter. He is the Sunday Choice/ The Choice Live content creator. He is the official Rwandan showbiz analyst who uses facts and figures. In Our digital Era a person with innovative and creative mind will succeed! Contact me via Instagram:pundit250 , Email:indebakure2020@gmail.com, call: +250786126175 (WhatsApp.). Chief Editor at thechoicelive.com, social media content creator, Multimedia Editor. I am good at English, French, Swahili and Kinyarwanda. I Live in Kigali Rwanda. “The limits of my language means the limits of my world. Ludwig Wittgenstein

Join our subscribers list to get the latest news, updates and special offers directly in your inbox!!!!