Kylian Mbappe yakuyeho agahigo kari gafitwe na Lionel Messi muri UEFA Champions League, aho yabaye umukinnyi ukiri muto ugejeje ibitego 40 muri iri rushanwa batazira iry'abagabo.
Mbappe yagejeje ibitego 40 muri UEFA Champions League nyuma yo gutsinda igitego mu mukino PSG yatsinzemo ibitego 2-1, ukaba wari umukino wa nyuma mu itsinda C.
Uyu mufaransa yujuje ibitego 40 afite imyaka 23 n'iminsi 316, mu gihe Lionel Messi wari ufite ako gahigo yatsinze igitego cya 40 afite imyaka 24 n'iminsi 130, bivuze ko Mbappe ari muto ho iminsi 179, yenda kungana n'amezi atandatu.
Igitego cya 40 Mbappe yagitsinze Juventus
Gusa ku rundi ruhande Kylian Mbappe aracyafite urugendo runini rwo gufata Lionel Messi ku bitego afite muri iri rushanwa, dore ko ubu afite ibitego 129 akaba ari uwa kabiri nyuma ya Cristiano Ronaldo watsinze ibitego 140 muri iri rushanwa.
Ku rutonde rw'abamaze gutsinda ibitego byinshi muri UEFA Champions League, Kylian Mbappe ari ku mwanya wa 19 akaba arushwa ibitego 100 na Cristiano Ronaldo wa mbere.
Mbappe akomeje kwitwara neza cyane muri uyu mwaka w'imikino, akaba amaze gutsinda ibitego 18 mu mikino 18 amaze gukina mu marushanwa yose.
Messi ni uwa kabiri mu batsinze byinshi muri UEFA Champions League
