Minisitiri w'Umutekano muri Israel Ben-Gvir, ari kumwe n'umuyobozi ushinzwe imfungwa Katy Perry batangaje ko nta mugore n'umwe uzongera gukora akazi ko kurinda imfungwa muri Israel mu nama bakoze ku wa Gatanu.
Aba bayobozi mu itangazo bageneye abanyamakuru, bavuze ko abagore guhera ubu bagiye kugenda bagabanywa kugera mu 2024 hagati, kandi ngo nta bagore bonyine bazongera kujya kuburinzi. Ni nyuma yuko umucungagereza w'umugore afashwe ari gusambana n'imfungwa yo muri Palestine yafungiwe ibitero by'iterabwoba.
Muri Israel nta mugore wemerewe kujya kurinda imfungwa nyuma yuko umwe asambanye n'imfungwa
Magingo aya, uyu mucungagereza ari mu maboko ya polisi mbere y'uko ashyikirizwa "Lahav 443" ishinzwe iperereza ngo bamukoreho iperereza ryimbitse. Ben-Gvir akaba yavuze ko hari umubano wihariye hagati y'imfungwa n'abacungagereza ibituma habo ubwo busambanyi.
Ikinyamakuru The Jerusalem Post cyanditse ko ikibazo cy'ubusambanyi cyari cyimaze kuba ingutu mu magereza hagati y'abarinzi n'imfungwa nibura guhera umwaka ushize. Iki cyemezo cyikaba gifashwe hari abagore bagera kuri 700 bari mu gicungagereza aho muri Israel.
