David Adedeji Adeleke uzwi mu muziki nka Davido ari mu mazi abira nyuma yo gukomeza gushinjwa ubwambuzi. Magingo aya, umuhanzi akaba na producer Samuel Oguachuba uzwi cyane nka Samklef, yashinje Davido kwanga kwishyura miliyoni imwe y'ama-Naira.
Samklef akaba avuga ko mu 2020, Davido yavuze ko agomba kwishyurira amafaranga umunyeshuri wahawe izina rya Mastermind wiga muri Kaminuza ya Lagas "University of Lagos (UNILAG). Samklef, akaba yabwiye Davido ko amuhaye amasaha 24 yo kuba yishyuye ayo mafaranga ntamananiza.
Samklef arashinja Davido kwanga kwishyura
Uyu mugabo akaba yahaye nyirantarengwa Davido nyuma yuko ngo avuganye na manager we Asa Asika ariko ngo ntihagire icyo bitanga. Ati "Ndabiginginze abantu muzi Davido mu mubwire ko muhaye amasaha 24 yo kuba yishyuye umuhungu wange Mastermind miliyoni 1 y'ama-Naira amurimo guhera mu 2020."
" Naramuka atayamuhaye, muraza kurebra ibintu bibi ngewe ubwa nge ndaza gukorera kuri uru rubuga. Reka twizere ko aho uri uri kwinezeza aka kanya kandi uri mu mahoro ariko aho uri hose wakumva ijwi ryange."
Samklef yahaye nyirantarengwa Davido yo kuba yishyuye umwenda wo muri 2020
"Turaharanira ubutabera bwa buri wese. Wagakwiye kuba indorerwamo y'abandi, ariko ni wowe ubarenganya kuko wumva uri hejuru y'amategeko bitewe n'abantu muziranye. Ok, ntakibazo, usenge cyane."
Ntabwo ari Samklef ushinje Davido ubwambuzi gusa, dore ko ku munsi w'ejo ari bwo umunyemari Abu Salami nawe yari yashinje uyu muhanzi kumwambura miliyoni 218 z'ama-Naira. Si uyu gusa kandi, kuko umuhanzi Dammy Krane nawe yamushinje kwanga kumwishyura nyuma yo kumwandikira indirimbo.
