Amakipe yombi yatangiranye inyota yo gushaka igitego kugeza ku munota wa 8 amakipe yombi yanganyaga imbaraga.
Daring Club Motema Pembe kuva ku munota wa 9 yatangiye kwiharira umupira itangira kotsa igitutu As Kigali byatumye Daring Club Motema pembe ibona igitego cya mbere ku munota wa 6 cyatsinzwe na William Likuta ku makosa yari akozwe nabba myugariro ba AS Kigali. Kuva ubwo Daring Club Motema Pembe yakomeje gusatira ishaka igitego cya kabiri arinako As Kigali ikomeza kugarira neza.
Ntibyatinze kuko As Kigali yatangiye kuva mu mukino kuko abasore bayo batangiye gukora amakosa ku munota wa 38 Abubakar Lawal yaje gukora ikosa ryamuhesheje ikarita y’umuhondo, ndetse na Kwizera Pierre yaje kubona ikarita y’umuhondo ku munota wa 43.
Igice cya mbere kigiye kurangira Daring Club Motema Pembe yari yakomeje gusatira yaje kubona igitego cya kabiri ku munota wa 45+1 cyatsinzwe na Katulondi Kata.
Igice cya mbere cyarangiye ari ibitego 2-0
Igice cya kabiri cyagarukanye imbaraga ku ruhande rwa As Kigali kuko yashakaga kwishyura ibitego bibiri bari batsinzwe.
AS Kigali yatangiye ikora impinduka Niyonzima Haruna yinjira mu kibuga asimbuye Andrew Butera.
As Kigali yakomeje kugerageza gushaka igitego kuko byari kuyishyira mu mwanya mwiza bakizera ko bashobora kwishyura ibitego bari batsinzwe.
As Kigali yatangiye kwiharira umupira arinako itangira gukoresha amakosa .
Ku munota wa 62 Kwizera Pierre yaje kwishyura igitego 1 muri bibiri bari batsinzwe ni ku ikosa Niyonzima Haruna yari akoresheje.
As Kigali ikomeza gukora ibishoboka byose ngo yishyure igitego ariko abasore ba Dc Motema Pembe bakomeza kugarira neza.
Uko iminota yagendaga izamuka As Kigali yakomeje gusatira bashaka kwishyura ariko Daring Club Motema Pembe bakomeza kuba ibamba.
As Kigali yasimbuje izana Robert Saba wasimbuye Abubakar Lawal naho Ally Kwitonda yasimbuye Denis Rukundo mu gihe Biramahire Abeddy yasimbuye Niyibizi Ramadhan.
Nubwo As Kigali yagerageje gushaka igitego cya kabiri ntiyabashije kukibona ahubwo umukino warangiye iwutakarije mu rugo.
As Kigali 1-2 Daring Club Motema Pembe.
Umukino wo kwishyura uteganyijwe kuwa 24 ukwakira 2021 I Kinshasa.
