Nara mbere yari umugore wa Maxi López, wahoze akinana na Icardi na Sampdoria. Urushako rwabo rwarangiye mu 2013 nyuma yuko Nara bivugwa ko yaryamanye na Icardi, ibintu byanatumye atandukana na López muri 2014, agahita yishakanira n’uyu rutahizamu ukomomoka muri Argentina.
Nyuma y’imyaka icumi yuzuyemo udutendo, amakimbirane rusange, ibirego byo gucana inyuma, hamwe n’ibitavugwaho rumwe ku mbuga nkoranyambaga, umubano wabo waranzwe n’amahoro make na bo waje kurangira muri Nyakanga 2024.
Wanda Nara arifuza ibihumbi 500 by'amayero ku kwezi
Icyakora, batandukanye ku bwumvikane bwabo bombi, kubera kwitaba bamwana ku buryo bukomeye.
Nkuko bitangazwa n’ikinyamakuru Minuto Uno cyo muri Argentina, Wanda Nara yatanze ubuhamya mu rukiko ko Icardi yashyize rwihishwa kamera mu rugo rwabo kugira ngo ajye afata amashusho bakora imibonano mpuzabitsina, bivugwa ko nyuma yaje kujya ayereka inshuti ze.
Ku rundi ruhande, Icardi yashinje Nara ko yamuciye inyuma kuri Keita Baldé bahoze bakinana mu ikipe ya Lazio, ibintu byingey umuntu n’uruntu runtu mu gutandukana kwabo.
Mauro Icardi na Wanda Nara bari bamaranye imyaka 10
Mu gihe intambara yo gutandukana ikomeje, amakuru y’ikinyamakuru Football Paparazzi aravuga ko ubu Wanda Nara yasabye Icardi amayero ibihumbi 500 buri kwezi nk’inkunga n’indezo ku bana babo bombi.
Ni mu gihe kandi Icardi ashinja Wanda kuba yarajyanye abakobwa babo bombi muri Argentina atabanje kumubaza, ari na yo mpamvu na we yamaze gutangiza urubanza ngo abagarure.
Mauro Icardi aranshinja Wanda Nara kujyana abana muri Argentina atabizi
