Icyamamare mu ruganda rwa sinema muri Leta Zunze Ubumwe z'Amerika Arnold Schwarzenegger wamenyakanye mu Rwanda nka 'Komando', nyuma y'iminsi yaragize ikibazo cy'umutima, kuri ubu ari gutangaza ko imyuka ari yose yiteguye kugaruka mu kazi.
Mu ntangiriro z'uku kwezi, nibwo uyu mukinnyi yari yagiye mu bitaro kubagwa umutima amaranye imyaka irenga 20, ndetse abafana be bari bagize impungenge ko agakoresho gafasha umutima we gukora neza ka 'pacemaker' kagize ikibazo, ariko arahamya ko ari mutaraga.
Mu butumwa uyu mukinnyi yacishije ku rubuga rwe rwa X, yavuze ko kuri ubu ameze neza kandi ibibazo abafana bari bakomeje kwibaza niba uko kubagwa kwe biragira ikibazo kuri filime yarimo akurikirana ya "Fubar Season 2", ariko yahamije ko nta kibazo kiraza kubamo, kuko avuga ko muri Mata araba yagarutse.
Uyu mugabo wabayeho Guverineri wa Leta ya California muri Leta Zunze Ubumwe z'Amerika kuri ubu ufite imyaka 76, akaba akunze kwibasirwa n'umutima, dore ko mu 2018 no mu 2020 yabanzwe. Iki kibazo kandi cy'umutima, gifite inkomoko mu 1997.
Arnold Schwarzenegger aremeza ko mu kwezi gutaha azaba yagarutse mu kazi
